သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၈၉)

Unicode

ဖျင်ဖန်ဆိုင်ထဲတွင်

ပိုင်ယွင်ရှီသည် ဖုန်မိုအာကို ကြည့်ရင်း မျက်​မှောင်ကြုတ်သွား​လေသည်။

ပထမအကြိမ်လာပြီးကတည်းက သူမဟာ မကြာမကြာ​ရောက်လာခဲ့​ပေသည်။ ပိုင်ယွင်ရှီသည် သူမအား အနည်းငယ် မနှစ်မြို့သလိုခံစားလိုက်ရသည်။ သူမ​ရောက်လာလျှင်လည်း ယဲဖန်နှင့်သာ အမြဲတမ်းစကား​ပြောဆို​နေခဲ့သည်။ ပိုင်ယွင်ရှီသည် ယဲဖန်က တစ်စုံတစ်ခုအား ​ဖော်ထုတ်လိုက်မိမှာကို စိုးရိမ်​နေခဲ့သည်။

ပိုင်ယွင်ရှီနှင့် နှိုင်းယှဥ်ရလျှင် ဖုန်မိုအာသည် ယဲဖန်နှင့်စကားပြောဆိုရတာကို သ​ဘောကျ​နေခဲ့​ပေသည်။ ပိုင်ယွင်ရှီက ​ရေခဲကျင့်ကြံသူတစ်ခုဖြစ်ကာ သူမက​​တော့ မီးကျင့်ကြံသူတစ်ဦးဖြစ်​ပေသည်။ ဒါ​ကြောင့် သူတို့ဆီတွင် ​ပြောစရာစကားများမရှိခဲ့​ပေ။

ဒါ​ပေမဲ့ ယဲဖန်က အများအပြားသိ​နေခဲ့တာ​ကြောင့် ဖုန်မိုအာသည် သူနှင့် စကား​ပြောသည့်အခါ များစွာအကျိုးရှိ​ကြောင်းခံစားခဲ့ရ​​သည်။

ယဲဖန်၏စွမ်းရည်များ​ကြောင့် ဖုန်မိုအာသည် သူဟာ ဂိုဏ်းကြီးတစ်ခုက လာ​ကြောင်း အ​သေအချာယုံကြည်သွားခဲ့​သည်။

တစ်ခါတစ်ရံတွင် မာ​ရွေ့သည်လည်း ဖုန်မိုအာနှင့်အတူ လိုက်ပါလာခဲ့သည်။

"​တောက်ဆရာယဲ မင်းအကိုက ​ရွှေအမြု​တွေအဆင့်ကျင့်ကြံသူဆို သူက မင်းကို အဝတ်အစား​ကောင်း​တွေ ဘာလို့မဆင်​ပေးထားတာလဲ" မာ​ရွေ့က သံသယဖြင့် ​မေးလိုက်၏။

သူသည် သူတို့အား ​မေးမြန်းလိုက်သည်။ ယဲဖန်​ရောက်လာခါစက သူ့တွင် ဘာမှမရှိခဲ့​ပေ။ အစတုန်းကဆို ဟောင်းနွမ်း​နေသည့် ဒီဆိုင်​လေးကို ငှားထားတာ ဖြစ်ပြီး ပိုင်ယွင်ရှီ​တောင် ​စျေးထဲက ဆိုင်ခန်းထဲ​တွင် ပစ္စည်းများ​ရောင်းခဲ့ဖူး​ပေသည်။  ရှု​ထောင့်မျိုးစုံက ကြည့်ရလျှင် သူတို့​တွင် ​တောင့်တင်းသော​နောက်ခံရှိပုံလည်း မ​ပေါ်ပေ။

"အ​ခြေတည်အဆင့်​ရောက်ပြီးရင် ဂိုဏ်းက ကျွန်​တော်တို့ပိုင်ပစ္စည်း​တွေအားလုံး သိမ်းပြီး ​ဂိုဏ်းက​နေ နှင်ထုတ်ခံရတယ်​လေ၊ ကျွန်​တော်တို့​တွေဆန္ဒကို ထိန်းချုပ်ပြီး အစက​နေ ပြန်လည်စတင်ခိုင်းဖို့ ပြင်ပမှာ နှစ်အနည်းငယ်ကြာ ​အ​တွေ့အကြုံယူခိုင်းတယ်လေ" ယဲဖန်က ​ပြောလိုက်၏။