သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၃၉)

Unicode

ယဲဖန်သည် ​ရေခဲ​ချောင်းစား​နေရင်း သူတို့ကို ကြည့်​နေလိုက်သည်။

မုလန်သည် ယဲဖန်အ​ကြောင်းများကို ကြားခဲ့ဖူး​သော်လည်း ဒါက သူမအတွက် လူချင်း​တွေ့ဆုံဖူးတာ ပထမဆုံးအကြိမ်ပင် ဖြစ်​ပေသည်။

က​တော့ပုံ​ရေခဲမုန်နှင့် တစ်ခြားလက်တစ်ဖက်တွင် ​ရေခဲ​ချောင်းတစ်ခုကို ကိုင်ထား​သော ယဲဖန်ကို မြင်​လိုက်ရတော့ မုလန်သည် သူမစိတ်ထဲရှိ အရပ်ရှည်ပြီး စွမ်းအားကြီး​သော ပုံရိပ်များက ရုတ်တရက်ကြီးပြိုကွဲသွားသလို ခံစားလိုက်ရ​ပေသည်။ ဒီလူက အကြီးအကဲ​တွေက​တောင် ချီးမွမ်းထားခဲ့တဲ့ ဆရာသခင်ဆိုတာ​ကော ဟုတ်လို့လား။ သူမ သူ့ဆီက​နေ ဆရာသခင်တစ်ဦးရဲ့​ရောင်ဝါကို​တောင် မခံစားရဘူး။

"သခင်​လေးယဲ ရှင်က ယန်ချန်ဆန်ကို မသန်မစွမ်းဖြစ်​အောင် တကယ်လုပ်ခဲ့တာလား" မုလန်က သံသယဖြင့် ​မေးလိုက်၏။

ယဲဖန်က စိတ်ရှုပ်​ထွေးသွားပြီး "ယန်ချန်ဆန်လား၊ သူက ဘယ်သူကြီးလဲ"

မုလျန်ဖင်က အလျင်အမြန်ရှင်းပြလိုက်၏ "​ကျင့်ကြံသူများ​တွေ့ဆုံဖလှယ်ပွဲတုန်းက သခင်​လေးပိုင်ကို ဒဏ်ရာရ​အောင် လုပ်ခဲ့တဲ့ တစ်​ယောက်​လေ"

ယဲဖန်သည် တစ်ကိုက်တည်းဖြင့် ​ရေခဲ​ချောင်းအား လက်စသတ်လိုက်သည် "မင်းက အဲ့ဒီလူကို ဆိုလိုတာလား၊ ငါ သူ့ကို သတ်ခဲ့သင့်တာ၊ သူက ယွင်ရှီကို ထိခိုက်ဒဏ်ရာရ​အောင် ဘယ်လို​တောင် လုပ်ရဲရတာပါလိမ့်"

ယဲဖန်သည် လက်သီးကို ဆုပ်လိုက်ပြီး ခန်းမတစ်ခုလုံး အရိုးများ ကြွပ်ဆတ်​နေ​သော ပဲ့တင်သံများ ထွက်​ပေါ်လာခဲ့​ပေသည်။ မုလန်သည် သူ၏ရုတ်တရက် ​ပေါက်ကွဲထွက်လာ​သော ​ရောင်ဝါများ​ကြောင့် ထိတ်လန့်သွားခဲ့​ပေသည်။

မျက်​မှောင်ကြုတ်ရင်း မုရှစ်ယီက သူ့ကိုယ်သူ​တွေး​နေမိ၏ 'ဒီလူက တကယ့်ကို သာမာန်လူမဟုတ်ဘူး၊ သူ့​ရောင်ဝါ​တွေက အဆင့်ရှစ်​ရောက်ရှိသွားပြီဖြစ်​သော ​ခေါင်း​ဆောင်​ထက်​တောင် နိမ့်ကျမှုလုံးဝမရှိဘူးပဲ'

"သခင်​လေးယဲ မင်းက အရမ်းအစွမ်ကြီးတာပဲ၊ ဒါ​တွေက မင်း ကျင့်ကြံခြင်းကို သ​ဘောကျပြီး က​လေးဘဝကတည်းက ခက်ခက်ခဲခဲကျင့်ကြံလာခဲ့လို့လား" မုလီက ​မေးလိုက်၏။