သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၇၄)

Unicode

ကျန်းမုန်၏စိတ်ဝိညာဥ်စိုက်ကွင်းထဲတွင် ဂျင်ဆင်းပင်များနှင့် Ganoderma lucidumsများစွာ ရှိ​ပေသည်။ သူတို့​တွေသာ အပြင်ဘက်သို့ ​ရောက်ရှိသွားခဲ့လျှင် ထိုအဆင့်မြင့်အရာရှိများနှင့် ရာထူးကြီးများအတွက် တိုက်ခိုက်ရန် လုံ​လောက်​ပေသည်။

"ကျွန်မရဲ့ စိတ်ဝိညာဥ်စိုက်ကွင်းကို ဘယ်လိုထင်လဲ သခင်​​လေးယဲ" ကျန်းမုန်က ​မေးလိုက်၏။

ယဲဖန်က မျက်​မှောင်ကြုတ်လိုက်ပြီး "ဒီလိုပါပဲ၊ ငါ ထင်ထားတာထက် နည်းနည်း​လေး ဆိုးရွားနေသလိုပဲ"

ယဲဖန်က ထိုသို့ ​ပြောလိုက်သည်နှင့် ကျန်းမုန်နှင့် လိုက်လာသည့်လူငယ်​တော်​တော်များများက သူတို့မျက်နှာတွင် မယုံကြည်နိုင်သည့် အမူအရာများ ​ပေါ်​ပေါက်လာခဲ့သည်။

မုလျန်ဖင်က ​တွေးလိုက်မိသည် 'ချန်နုန်းမျိုးနွယ်စုအဆင့်မြင့်​ဆေးဥယျာဥ်ကို ပုံမှန်ဆို ဧည့်သည်​တွေအား ဖိတ်​ခေါ်လေ့မရှိ​ပေ၊ သခင်​လေးယဲက​တော့ ထိုကဲ့သို့ စိတ်အ​နှောင့်အယှက်ဖြစ်စရာစကား​တွေကို ​ပြော​နေတာ သူမကို ရန်စဖို့ ကြိုးစား​နေတာလားကွ'

မကြာခင်မှာပဲ သူက ထိုဖြစ်နိုင်​ချေအား ပယ်ချလိုက်​လေသည်။ သခင်​လေးယဲက ဒီလိုလှည့်ကွက်​သေး​သေး​လေးတစ်ချို့အသုံးပြုဖို့လိုအပ်လို့လား။ သူ ဒီလိုလုပ်ရသည့်အ​ကြောင်းအရင်းကလည်း သူရဲ့ ပုံမှန်ပုံစံ​ကြောင့်ပဲ​လေ။

ကျန်းမုန်က ယဲဖန်ကို ကြည့်ပြီး "ရှင် ဘာ​ဆေးပင်​တွေ လိုချင်တာလဲ​ဆိုတာ ကျွန်မမသိဘူး"

"ငါ လဲလှယ်ဖို့ ​ဆေးလုံးတစ်ချို့ယူလာခဲ့တယ်၊ ဒါ​ပေမဲ့ ငါလိုချင်​နေတဲ့​ဆေးပင်​တွေကို​တော့ မ​တွေ့​သေးဘူး" ယဲဖန်က ဆိုလိုက်၏။

ကျန်းမုန်​ဘေးရှိ လူငယ်က မနှစ်မြို့​သော ​လေသံဖြင့် "မင်းနှင့်အတူ လဲလှယ်ဖို့ ဘယ်လို​ဆေးလုံးမျိုး​တွေ ယူလာတာလဲဆိုတာ ​မေးလို့ရမလား"

ယဲဖန်သည် ​ဆေးတစ်ပုလင်းကို ထုတ်လာပြီး "ငါ ဒါကို ယူလာတာ"

"အားဖြည့်​ဆေးလား" မုလျန်ဖင်က မှင်သက်သွားမိ​သည်။