Unicode
တံခါးခေါက်သံကြားတော့ ပိုင်ယွင်ရှီသည် သူ့မျက်နှာပေါ်တွင် မပြသခဲ့ပေမဲ့ သူ့စိတ်ထဲတွင်တော့ သက်သာရာရသွားခဲ့လေသည်။
မျက်နှာတည်တည်ဖြင့် ပိုင်ယွင်ရှီသည် ယဲဖန်ကို ကန်လိုက်ပြီး အေးစက်စွာဖြင့် "တံခါးသွားဖွင့်စမ်းပါ"
ယဲဖန်သည် သူ့ခြေထောက်ကို ပွတ်သပ်လိုက်ပြီး "မင်း ဘာလို့ ငါ့ကို အမြဲကန်နေရတာလဲ၊ မနေ့ညကလဲ ငါ့ကို အိပ်ရာပေါ်က ကန်ချခဲ့တယ်၊ ငါ ကုတင်အကြီးကြီး ဝယ်ခဲ့ပေမဲ့ သိပ်မကျယ်သေးဘူးထင်တယ်၊ မင်းက ငါ့ကို ကန်ချနေသေးတုန်းပဲ၊ အထက်စီးအရမ်းမဆန်ပါနဲ့ ယွင်ရှီ၊ မင်းခန္ဓာကိုယ်က သေးသေးလေး၊ မင်း ဘာလို့ ဒီလောက်ကြီးတဲ့အိပ်ရာကြီးကို သိမ်းပိုက်ထားရတာတုန်း"
ပိုင်ယွင်ရှီက ဖြတ်ပြောလိုက်၏ "ငါက အဲ့ဒီလိုပဲလေ"
"ဟုတ်ပြီ၊ ကောင်းပြီလေ၊ ငါ ပိုကြီးတဲ့ကုတင်ရှိမလားလို့ ရှော့ပင်းမောလ်ကို သွားကြည့်လိုက်အုံးမယ်" ဟုဆိုကာ ယဲဖန်သည် 'မင်းကိုမကူညီနိုင်တော့ပါဘူး' ဆိုတဲ့ မျက်နှာပေးဖြင့် ပိုင်ယွင်ရှီကို ကြည့်လိုက်၏။
ပိုင်ယွင်ရှီ "....." ဒါတွေက ကုတင်အကြောင်း မဟုတ်ဘူးလေ။
ယဲဖန်သည် တံခါးကို ဖွင့်လိုက်တော့ အပြင်ဘက်က လူကို မြင်လိုက်သောအခါ ညည်းညူးလိုက်လေသည် "ယောက်ဖ ဒီအချိန်ကြီးကျမှ ဒီကို ဘာလာလုပ်တာလဲ"
ပိုင်ယွင်ကျင်းသည် ယဲဖန်၏စူပုပ်နေသော မျက်နှာကို ကြည့်လိုက်ပြီး ပိုင်ယွင်ရှီကို စိတ်ရှုပ်ထွေးစွာဖြင့် မေးလိုက်၏ "ငါ အချိန်မှားလာမိတာများလား"
ယဲဖန်က ခေါင်းငြိမ့်လိုက်ပြီး "ဟုတ်တယ်၊ အဲ့ဒီလိုမျိုးပဲ"
"ပါးစပ်ပိတ်ထားစမ်း" ပိုင်ယွင်ရှီက အော်လိုက်၏။
ယဲဖန်က သူ့အား အပြစ်ကင်းစင်စွာ လှည့်ကြည့်လိုက်လေသည်။
ပိုင်ယွင်ရှီ "မင်းအချိန်တွေကို ဒီမှာလာဖြုန်းတီးမနေနဲ့၊ မင်း လုပ်စရာတစ်ခုခုကို ဘာလို့ သွားမရှာသေးတာလဲ၊ မြန်မြန်ထွက်သွားတော့"
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Adventure"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...
