သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၄၃)

Unicode

ပိုင်ယွင်ရှီသည် ယဲဖန်နှင့်အတူ ရွာကို ပတ်ကြည့်​နေခဲ့၏။ ယဲဖန်သည် ​ခေါင်း​စောင်းရင်း ​အတွေး​လွတ်နေခဲ့​ပေသည်။

ပိုင်ယွင်ရှီသည် သူ့ကို ကြည့်ပြီး ​မေးလိုက်၏ "ဘာမှား​နေလို့လဲ"

"ဒီရွာက နည်းနည်းထူးဆန်းတယ် ထင်လို့ပါ" ယဲဖန်က ​ပြောလိုက်၏။

ပိုင်ယွင်ရှီက ​ခေါင်းငြိမ့်လိုက်ပြီး "ဒါ​ပေါ့၊ ဒါက သရဲ​ခြောက်တဲ့ရွာတစ်ခုပဲ​လေ"

ယဲဖန်က ​ခေါင်းငြိမ့်လိုက်ပြီး "ဟုတ်တယ်၊ မင်း​ပြောတာ မှန်တယ်"

"ဒါ​ပေမဲ့ ဒီရွာမှာက သရဲ​​တွေ အများကြီးရှိ​​နေကြတယ်" လူအားလုံးက သေဆုံးပြီး​နောက် သရဲအဖြစ် မ​ပြောင်းလဲနိုင်ကြသလို အများစုက ပြန်လည်ဝင်စားသွားကြမည် ဖြစ်​ပေသည်။

ပိုင်ယွင်ရှီက ​ခေါင်းငြိမ့်လိုက်ပြီး "ရွာပတ်လည်မှာ ဘုရား​ကျောင်းသုံးခုက 品 (pın - ဖင်း)ပုံသဏ္ဍာန်တည်ရှိ​နေတဲ့ပုံပဲ၊ ဒီပုံစံမျိုးက သရဲ​တွေကို ဖယ်ရှားတဲ့​နေရာမှာ အသုံးပြုကြတယ်လို့ ​ပြောကြတယ်​လေ"

ယဲဖန်က သ​ဘောတူစွာ ​ခေါင်းငြိမ့်လိုက်ပြီး "ဟုတ်တယ်၊ ဒီရွာ​အောက်မှာ တစ်ခုခုကို ချိပ်ပိတ်ထားတာ ဖြစ်နိုင်​လောက်မယ်"

ဆန်းကြယ်ငှက်ဥကို ရှိသည့်ဂူသင်္ချိုင်းက ဒီရွာအနီးအနားတွင် ရှိသည်ဟု ​ဆိုခဲ့လေသည်။ဒီရွာက ဆန်းကြယ်ငှက်ဥနှင့် တစ်ခုခု ပတ်သတ်​နေတာ ဖြစ်နိုင်​ပေလိမ့်မည် ဖြစ်​ပေသည်။

"​နောက်ကျ​နေပြီ၊ ဟိုတယ်ကို အရင်ဆုံး ပြန်ကြရ​အောင်" ယဲဖန်က အကြံပြုလိုက်၏။

ပိုင်ယွင်ရှီသည် ​​'ကောင်းပြီ' ဟုဆိုရင်း ခေါင်းငြိမ့်ပြလိုက်၏။

.......

သူတို့ ဟိုတယ်ပြန်​ရောက်လာ​တော့ ဂျော့ရှ်သည် အရက်မူး​နေပြီး လက်သီးကို ​လေ့ကျင့်​နေကာ တစ်ခုခုကိုလည်း ​ရေ​ရွတ်​နေတာကို ​တွေ့လိုက်ရ​လေသည်။

ချန်ယန်းက ​ဘေးနားတွင် စိုးရိမ်တကြီး ရပ်ကြည့်​နေခဲ့​လေသည်။