သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၇၂)

Unicode

ယဲဖန်သည် ​ရှေး​ဟောင်းစာအုပ်တစ်အုပ်ကို ကြည့်​နေစဥ် ပိုင်ယွင်ရှီက ထွက်လာခဲ့သည်။

"ချန်နုန်းကျားက တစ်စုံ​တစ်​ယောက်က MMS တစ်​စောင်ပို့ထားတယ် ကြည့်လိုက်ပါအုံး" ပိုင်ယွင်ရှီက ​ပြောလိုက်၏။

ယဲဖန်သည် ဖုန်းကို လှမ်းယူလိုက်ပြီး စစ်​ဆေးကြည့်ပြီး​နောက် စိတ်ဝင်တစားဖြင့် ​ပြောလိုက်​လေသည် "​စိတ်ဝိညာဥ်​ဆေးပင်​ကောင်း​တွေပဲ"

ပိုင်ယွင်ရှီက ​ခေါင်းငြိမ့်ပြလိုက်ပြီး "ဟုတ်တယ်၊ သူတို့​တွေက ဒီ​ဆေးပင်​​တွေကို မင်းရဲ့အစာ​ကြေ​ဆေးနဲ့ လဲလှယ်ချင်လို့တဲ့"

ယဲဖန်က ​ခေါင်း​မော့လိုက်ပြီး "​လေးလုံးက လုံ​လောက်​နေပါပြီ၊ သူတို့​တွေက ဘာလို့ အများကြီး လိုအပ်​နေရတာလဲ၊ ဒီ​ဆေးက အများကြီး​သောက်ရင် အဆင်မ​ပြေဘူး​​​လေ' ဒီ​ဆေးလုံးမျိုးက ​ဆေးလုံးများမ​ကြေညက်ခြင်းတွင်သာ အဓိက အသုံးပြုကြ​ပေသည်။

ပိုင်ယွင်ရှီက ပုခုံးတွန့်ပြလိုက်ပြီး "ချန်နုန်းကျားမှာ အစာအိမ်မ​ကောင်းတဲ့လူ​တွေ အများကြီးရှိလို့ ပိုလိုချင်တာ ​ဖြစ်မှာ​ပေါ့"

ယဲဖန်က ပြုံးလိုက်ပြီး "အဲ့ဒါက အလုပ်ဖြစ်မှာပါလို့ ​ပြောသားပဲ၊ ငါလိမ်​နေတာဆိုပြီး အဲ့ဒီလူ​တွေက ထင်​နေကြ​ပေမဲ့ အခု​တော့ သူတို့​တွေက နားလည်သွားကြပြီ၊ အဲ့ဒီဦး​နှောက်မရှိတဲ့ ​မိန်းက​လေးက ငါ့ကို မယုံဘူး​လေ၊ ငါက အ​တော်​လေးကို ယုံကြည်အားကိုးလို့ ရတယ်ဆိုတာ မင်းလည်းသိပါတယ်"

ပိုင်ယွင်ရှီ "....."

သူ၏ဂုဏ်ယူဝံ့ကြွား​နေသည့်မျက်နှာကို ကြည့်ရင်း ပိုင်ယွင်ရှီသည် ​ခေါင်းငြိမ့်ပြလိုက်ပြီး ကူကယ်ရာမဲ့စွာဖြင့် "ဟုတ်တယ်၊ ဟုတ်တယ်၊ မင်းကသာ အ​တော်ဆုံး၊ အဲ့ဒီအရူးတွေက အခုဆို ​​နောင်တ​ရ​နေကြ​လောက်ပြီ"

ယဲဖန်သည် ဂုဏ်ယူဝံ့ကြွာစွာဖြင့် ပြုံးလိုက်​လေသည်။

.......

ရုတ်တရက် တံခါး​ခေါက်သံ ထွက်လာခဲ့​သည်။

ယဲဖန်သည် တံခါးထဖွင့်​ပေးလိုက်သည်နှင့် ဂျော့ရှ်က ​တွေ့လိုက်ရ​တော့ အံ့သြသွားခဲ့သည်။