Unicode
ညသန်းခေါင်တွင် ပိုင်ယွင်ရှီသည် ရှောက်ချီထံမှ ဖုန်းခေါ်ဆိုမှုတစ်ခု ရရှိခဲ့သည်။
"ထတော့" ပိုင်ယွင်ရှီက ယဲဖန်အား တွန်းလိုက်သည်။
ယဲဖန်က သူ၏အိပ်ချင်နေသောမျက်လုံးများအား ဖွင့်ကာ "ဘာဖြစ်လို့လဲ။ ငါနဲ့အတူ အိပ်ချင်လို့လား။ လာ လာ ဒီကိုလာ၊ ငါ့အိပ်ရာက နွေးတယ်။ ဒီလောက်အမြန်ကြီး ပုံပေါ်လာမယ်လို့ မထင်ထားဘူး။ ဒါပေမဲ့ ငါနားလည်ပါတယ်။ ငါက အရမ်းရုပ်ချောတာလေ။ အခုဖြစ်ရင်ဖြစ် မဟုတ်ရင် ဘယ်တော့မှ မဖြစ်နိုင်တော့ဘူးနော်"
ယဲဖန်ဟာ မျက်လုံးဖွင့်ထားပေမဲ့ သိသိသာသာပင် မနိုးသေးပေ။
ထို့နောက် ပိုင်ယွင်ရှီလက်အား ဆုပ်ကိုင်ကာ အိပ်ရာထဲသို့ ဆွဲချလိုက်သည်။
"ရပ်လိုက်တော့"
ထို့နောက် ယဲဖန်သည် ပိုင်ယွင်ရှီကို သိမ်းငှက်ကြီးက ကြက်ပေါက်လေးအား ဖမ်းထားသကဲ့သို့ သူ့အောက်တွင် ဖိထားလေသည်။ သူ၏ပူပြင်းလှသော အသံရှုသံကို ခံစားမိတော့ ပိုင်ယွင်ရှီသည် ရှက်သွေးမဖြာပဲ မနေနိုင်တော့ပေ။
"ရပ်တော့။ အဖိုးဆီမှာ တစ်ခုခုဖြစ်နေပြီ"
"ဘာလဲ။ သူက စစ်တပ်ထဲမှာ မဟုတ်ဘူးလား။ အဲ့ဒီမှာ လုံခြုံတယ် မဟုတ်ဘူးလား" ယဲဖန်က တီးတိုးဆိုလာခဲ့သည်။
"သူလျှိုတစ်ယောက် ခိုးဝင်လာတာ။ သူ့ရည်ရွယ်ချက်က အဖိုးကို သတ်မလို့ပဲ"
"သူ ဒဏ်ရာရသွားသေးလား"
"မရဘူး။ မင်းပေးထားတဲ့ကျောက်စိမ်းဆွဲသီးကအသုံးဝင်သွားတယ်။ ဒါပေမဲ့ ကိုးခုကတော့ တစ်ခါတည်း ပျက်စီးသွားတယ်။ ကံကောင်းစွာနဲ့ပဲ မင်း လုံလုံလောက်လောက် ပေးထားခဲ့လို့ပေါ့။ခြောက်ခုလောက် ကျန်သေးတယ်" ပိုင်ယွင်ရှီက ပြောလိုက်သည်။
"ငါပေးထားတဲ့ကျောက်စိမ်းဆွဲသီးတွေက အတိုက်ခိုက်ခံရတဲ့အခါ နောက်ပြန်ခုန်ထွက်သွားတာလေ။ သူက တကယ်ပဲ ကိုးခုလုံး ဆုံးရှုံးသွားခဲ့တာပေါ့။ သူ့ကို သတ်ဖို့ ကြိုးစားခဲ့တဲ့သူက မရိုးရှင်းလောက်ဘူး"
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Adventure"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...
