Unicode
ယဲဖန်၊ ပိုင်ယွင်ရှီနှင့် မုလျန်ဖင်တို့သည် ရုပ်ဖျက်ကာ ချန်နုန်းကျားသို့ ခရီးထွက်လာခဲ့ပေသည်။
ခရီးသွားအဖွဲ့တစ်ခုနှင့် ပူးပေါင်းခဲ့ကြရာ ပိုင်ယွင်ရှီသည် ကောင်မလေးနှစ်ယောက်၏တီးတိုးပြောဆိုသံများကို ကြားလိုက်ရလေသည် "အခုခေတ်မှာ ထူးဆန်းတဲ့အရာတွေ တကယ့်ကို များပြားလာတာပဲ၊ ပထမကတော့ ယောက်ျားလေးတစ်ယောက်က မိန်းကလေးနှစ်ယောက်ကို ခေါ်လာခဲ့တယ်၊ အခုကျတော့ ယောက်ျားလေးတစ်ယောက်က သူ့ကောင်လေးနှစ်ယောက်ကို ခေါ်လာပြန်ပြီ"
"သူတို့ အတူနေတာကို နင်က ဘယ်လိုလုပ်ပြီး သိတာလဲ"
"သိသာနေတာပဲဟာ၊ အကြည့်တစ်ချက်နဲ့တင် သူတို့မှာ တစ်ခုခုရှိနေတာကို ပြောနိုင်တယ်"
"ဘယ်သူကအပေါ်၊ ဘယ်သူကအောက်လို့ နင်ထင်လဲ"
"အဖြူရောင်နဲ့ မြင့်မြတ်ပြီး အေးစက်တဲ့လူက အပေါ်ထပ်လို့ ငါ ထင်တယ်"
"တကယ်ကြီးလား၊ ဒါပေမဲ့ သူက အောက်ထပ်လို့ ငါ ဘာလို့ ထင်နေရတာပါလိမ့်"
"အနက်နဲ့တစ်ယောက်က အပေါ်ထပ်လို့ ထင်နေတာလား၊ သူက လိမ္မာပါးနပ်ပြီး လုပ်နိုင်စွမ်း ရှိတဲ့ပုံလို့ ငါထင်တယ်"
"တကယ်လား၊ ငါ ဘာလို့ သူကို ဦးနှောက်မရှိတဲ့သူလို့ ထင်နေရတာပါလိမ့်"
"ဘာအထွန့်တက်မှုမှ မရှိတဲ့ မီးခိုးရောင်နဲ့လူကတော့ အောက်ထပ်ပဲ ဖြစ်ရမယ်"
ပိုင်ယွင်ရှီသည် ဘေးနားရှိ ကောင်မလေးနှစ်ယောက်၏အတင်းအဖျင်းစကားများကို ကြားတော့ မျက်မှောင်ကြုတ်မိသွားခဲ့သည်။
မုလျန်ဖင်သည်လည်း သူ့နှာခေါင်းကို မပွတ်သပ်ပဲ မနေနိုင်တော့ပေ။ တခြားလူနှစ်ယောက်ထက် သူ့အကြားစွမ်းရည်က မကောင်းသော်လည်း သူသည် ထိုနှစ်ယောက်၏စကားဝိုင်းကိုတော့ ရှင်းရှင်းလင်းလင်း ကြားနေရဆဲပင် ဖြစ်သည်။
ထို့နောက် သူက တွေးလိုက်မိ၏ 'ပိုင်ယွင်ရှီနှင့် ယဲဖန်တို့ကတော့ အမှန်တကယ် အတွဲများ ဖြစ်ကြပေမဲ့ သူကတော့ တတိယဘီးလုံးလေးမျှသာ ဖြစ်ပေသည်။
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Aventure"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...
