Unicode
ယဲဖန်သည် ဓါးပျံပေါ်တွင် ရပ်နေပြီး လေထဲ၌ ပျံသန်းနေခဲ့ပေသည်။ သူ့ခန္ဓာကိုယ်ပေါ်တွင် ဖုံးကွယ်အဆောင်တစ်ခုနှင့် ယဲဖန်ဟာ တက္ကစီတစ်စီးနောက်ကို အေးအေးဆေးဆေးလိုက်နေခဲ့လေသည်။
ရုတ်တရက် သူ့ဖုန်းမြည်လာခဲ့၏။
"အခု မင်း ဘယ်မှာလဲ" ပိုင်ယွင်ရှီက မေးလိုက်၏။
"လေထဲမှာလေ၊ လိုင်းမကောင်းဘူး" ယဲဖန်က ပြောလိုက်၏။
"မင်း ဖုံးကွယ်အဆောင် သုံးထားလား၊ ဓါတ်ပုံအရိုက်ခံမိမလာစေနဲ့နော်" ပိုင်ယွင်ရှီက စိုးရိမ်တကြီး ပြောလိုက်၏။
"ဒါပေါ့၊ စိတ်မပူပါနဲ့၊ ငါ အဲ့လောက်မတုံးပါဘူး"
ပိုင်ယွင်ရှီသည် သူ့ဖုန်းကို ကြည့်ရင်း တွေးလိုက်မိလေသည် 'ငါတကယ့်ကို မင်းဘယ်လောက်တောင်တုံးအလဲဆိုတာ မသိတော့ဘူး'
"မင်း လေထဲမှာ ဘာလုပ်နေတာလဲ" ပိုင်ယွင်ရှီက မေးလိုက်၏၊
"ငါ အဲ့ဒီအမျိုးသမီးနောက်လ်ုက်နေတာလေ၊ အဲ့အမျိုးသမီးက တက္ကစီစီးနေတာ၊ လူအရမ်းများလွန်းလို့ မလှုပ်ရှားနိုင်ဘူး ဖြစ်နေတယ်" ယဲဖန်သည် နောင်တဖြင့် ပြောလိုက်၏။
ပိုင်ယွင်ရှီက အသက်ပြင်းပြင်းရှုလိုက်ပြီး "လူနည်းပြီး အနှောင့်အယှက်မဖြစ်တဲ့နေရာကို ရှာတာ ပိုကောင်းတယ်"
ယဲဖန်က သူ့ဖုန်းကို ဘေးဖယ်လိုက်ပြီး "နားလည်ပါတယ်၊ တစ်ယောက်မှ ရှာမတွေ့နိုင်အောင် အကောင်းဆုံးကြိုးစားမှာပါ" ဟု ပြောလိုက်လေသည်။
.......
တက္ကစီပေါ် ထိုင်နေရင်း ရွတ်စွေက နောက်သို့ လှည့်ကြည့်လိုက်ပြီး "စီနီယာအစ်မ သူ မလိုက်လာနိုင်တော့ဘူး၊ ယဲဖန်က အကြီးကြီးလဲ မဟုတ်ပါဘူး"
မျက်မှောင်ကြုတ်လိုက်ရင်း ရွတ်ယွမ်က စောင့်ကြည့်ခံနေရသလိုမျိုး ခံစားနေရလေသည် "ငါ နည်းနည်းလေး စိတ်မအေးသလို ခံစားနေရတယ်"
ရွတ်စွေက နှာမှုတ်လိုက်ပြီး "ဗီလာကိုပဲ ပြန်ကြရအောင်ပါ"
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Adventure"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...
