Unicode
ပိုင်ယွင်ရှီဖုန်းမြည်လာခဲ့သည်၊၊
"ဟဲလို ဘာကိစ္စလဲ"
"မစ္စတာပိုင် ကျန်းဝန်ထောက်လို့ခေါ်တဲ့ လူတစ်ယောက်က သခင်လေးယဲနှင့် တွေ့ချင်နေလို့ပါတဲ့" အရှေ့ကောင်တာမှအမျိုးသမီး၏အသံက ဖုန်းတစ်ဖက်ခြမ်းမှ ထွက်လာခဲ့သည်။
"သိပြီ။ သူ့ကို ဝင်လာခိုင်းလိုက်" ပိုင်ယွင်ရှီက ပြောလိုက်သည်။
ထို့နောက် ကျန်းဝန်ထောက်တစ်ယောက် ဓါတ်လှေကားထဲဝင်သွားသည်ကို အရှေ့ကောင်တာမှအမျိုးသမီးနှစ်ဦးက ကြည့်နေခဲ့ကြသည်။
"ဒီလူက ဘယ်သူတုန်း။ တောက်ဝတ်ရုံရှည် ဝတ်ထားတာဆိုတော့ သရုပ်ဆောင်များလား"
"သရုပ်ဆောင်ဆိုလဲ အဲ့လောက်မလိုပါဘူး။ မစ္စတာပိုင်ရဲ့ ကျန်းမာရေးက မကောင်းဘူးလို့ ငါကြားတယ်။ မစ္စတာပိုင်ရဲ့အဘိုးက သူ့အတွက် ဆရာဝန်နှင့် ဆရာသခင်အများကြီး ရှာခဲ့တယ်တဲ့"
"မကြာသေးခင်ကဆို ငါတို့ကုမ္ပဏီက လူပေါင်းစုံကို လက်ခံနေရတာလေ"
"ဟုတ်တယ်။ အဲ့ဒီယဲဖန်ဆိုလဲ လုံးဝကို လူထူးလူဆန်းပဲ။ ဒါပေမဲ့ မစ္စတာပိုင်က သူ့အပေါ်တော့ တကယ်ကောင်းတယ်။ သူ့ကို ရုံးခန်းထဲမှာ ဆိုဖာတောင် ထားဖို့ ခွင့်ပြုပေးထားတာ"
"အဲ့ဒီသခင်လေးယဲ လာပြီးကတည်းက မစ္စတာပိုင်က လူတွေကို အော်ငေါက်တာ နည်းသွားတယ်ဆိုတာ နင် သတိထားမိလား" အရှေ့ကောင်တာထဲမှ တစ်ဦးက ပြောလိုက်သည်။
ကျန်းဝန်ထောက်သည် အစည်းအဝေးခန်းထဲ ဝင်လိုက်သည်နှင့် ယဲဖန်က ဆိုဖာတွင် ပျင်းရိစွာ လဲလျောင်းနေသည်ကို တွေ့လိုက်ရသည်။
ပိုင်ယွင်ရှီ၏ရုံးခန်းသည် လုံးဝအဖြူအမည်းဖြစ်ကာ အေးတိအေးစက်ခံစားရသည်။ သို့သော် ၎င်းက ယဲဖန်၏ရွှေရောင်ဆိုဖာကြောင့် လုံးဝပျက်စီးသွားခဲ့လေသည်။ ကျန်းဝန်ထောက်က ယဲဖန်နောက်မှထည့်ထားခဲ့သည့်ဆိုဖာကို ထိလိုက်သည်။
"တောက်ဆရာကျန်း ကျွန်တော့်ကို ရှာနေတာလား" ယဲဖန်က မေးလိုက်သည်။
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Macera"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...
