သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၄၀)

Unicode

မုမိသားစုတွင်

"​ခေါင်း​ဆောင် ရှစ်ယီ​​ခေါ်တာလား၊ သူ ဘာ​ပြောလဲ" မုခယ့်က ​မေးလိုက်၏။

"ယဲဖန်က သူတို့​တွေကို သက်​တော်​စောင့်အဖြစ် အလုပ်​ပေးထားတယ်လို့ ​ပြောတယ်၊ တနှစ်ကို ၅ မီလီယံနဲ့ အားဖြည့်​ဆေး ၃လုံး​ပေးမယ်တဲ့" မုဖုန်က ​ပြောလိုက်၏။

မုခယ့်က ပြုံးလိုက်ပြီး "ဒါ မဆိုးပါဘူး"

စိတ်ဝိညာဥ်မီး​တောက်သစ်သီး​တွေကို ​ဆေးလုံး​တွေနှင့် အစားထိုးခဲ့​ပေသည်။ ​ဆေးလုံး​ကို သောက်သုံးကြပြီး​နောက် မိသားစုထဲရှိ တပည့်​တွေအားလုံးက ထိုအ​ကြောင်းကိုသာ ​တွေးနေကြ​တော့သည်။ ဒီအခွင့်အ​ရေးကို ရရှိခဲ့သည့် မုရှစ်ယီနှင့် တစ်ခြားလူများအတွက် ​ကောင်း​သော ကိစ္စတစ်ခုပင် ဖြစ်​လေသည်။

မုဖုန်က ​ခေါင်းငြိမ့်လိုက်ပြီး "ငါလည်းအဲ့လို ထင်တယ်"

အရင်တုန်းက သူသည် အပြင်ဘက်ရှိ လူများက စိတ်မြန်လက်မြန်ရှိတတ်ပြီး ကျင့်ကြံဖို့အတွက် မသင့်​တော်ဘူးလို့ အမြဲခံစားခဲ့ရ​ပေသည်။ သူ ယဲဖန်ကို မြင်သည့်အခါမှ အပြင်ဘက်တွင်လည်း ဆရာသခင်များ ရှိတာကို ရှာ​တွေ့သွားခဲ့​ပေသည်။ ယခုအခါတွင် ကျင့်ကြံ​ရေးဂိုဏ်းများက အရင်းအမြစ်ရှားပါးမှုများနှင့် ရင်ဆိုင်​နေခဲ့ရ​လေသည်။ ယန်မိသားစု သူတို့ကို တိုက်ခိုက်ခဲ့သည့် အ​ကြောင်းအရင်းကလည်း သူတို့​တွေဟာ စိတ်ဝိညာဥ်မီး​တောက်သစ်သီးကို မျက်စိကျ​နေ​သော​ကြောင့်သာ ဖြစ်​လေသည်။

ကျင့်ကြံ​ရေးဂိုဏ်းများက ဆက်ပြီး သီးသန့်​နေထိုင်အုံးမယ်ဆိုလျှင် နှစ်​ပေါင်းရာစုနှစ်အတွင်း အရင်းအမြစ်ပြတ်​တောက်မှုများဖြင့် ​ကြုံ​တွေ့ရ​မှာ ဖြစ်​ပေသည်။

"ပြီး​တော့ လျန်ဖင်" မုဖုန်မျက်နှာတွင် စိတ်ဓါတ်ကျမှုအရိပ်အ​ယောင်များ ဖြတ်သန်းသွားခဲ့​လေသည်။ သူတို့မုမိသားစု၏သိုင်းကျမ်းကို ကျင်ကြံဖို့ ကျရှုံးခဲ့ပြီး​နောက် မုလျန်ဖင်သည် တစ်ခြားသိုင်းကျမ်းကို ကျင့်ကြံလိုက်သည့်အခါမှ ခုန်​​ပေါက်​​ကျော်လွှားပြီး တိုးတက်လာခဲ့​ပေသည်။ ၎င်းက သူ့အား အနည်းငယ် စိတ်အ​နှောင့်အယှက်ဖြစ်​စေခဲ့​ပေသည်။