သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၄၉)

Unicode

"ဘုရား​ကျောင်း​တွေ ဖြိုချပြီး​နောက်​မှာ မြေပြင်က လှုပ်ရှာသွားတာလား" ပိုင်ယွင်ရှီက ​မေးလိုက်၏။

ချန်ယန်က ​ခေါင်းငြိမ့်လိုက်ပြီး "ဟုတ်တယ်၊ ရွာသားတွေက ဘုရား​ကျောင်း​ကြောင့် ဖြစ်မယ်လို့ ထင်ခဲ့ကြတယ်၊ ဖြိုချ​တုန်းကသာ လွယ်တာ​လေ၊ ပြန်ပြုပြင်ဖို့က​တော့ ခက်ခဲလွန်းတယ်"

"ဘုရား​ကျောင်း​တွေက ဖျက်စီးခံလိုက်ရ​တော့ ကန်ထဲက သရဲ​တွေကို လှုံ​ဆော်​ပေးသလို ဖြစ်သွား​လောက်ပြီ။ အခု တစ်​ယောက်​ယောက် အသတ်ခံလိုက်ရတယ်မလား" ယဲဖန်က ​အေးစက်စွာ ​ပြောလိုက်၏။

ယဲဖန်ကို ကြည့်ရင်း ချန်ယန်းသည် ခက်ခက်ခဲခဲ ​ပြောလိုက်ရ​လေ​တော့သည် "မင်း​ပြောတာ မှန်တယ်၊ တစ်ယောက်​ယောက်​သေသွားပြီ"

ယဲဖန် နှုတ်ခမ်းများက တွန့်​ကွေးသွားပြီး "ငါသိတယ်​လေ"

"ကန်ထဲက သရဲ​တွေက လူပြန်ဝင်စားချင်ရင် သူတို့​နေရာအစားထိုးဖို့ တစ်စုံတစ်​ယောက်ကို ​ခေါ်​ဆောင်သွားတတ်တယ်ဆိုတဲ့ ဒဏ္ဍာရီတစ်ခု ရွာထဲမှာ ရှိခဲ့တယ်၊ ​ဒါက ရေနစ်တဲ့က​လေး​တွေဖြစ်ရပ်နဲ့ဆင်တူတယ်၊ လူစားတဲ့ကန်က မကြာခဏမြုခိုး​တွေ ဖုံးလွှမ်းသွားတတ်​ပြီး ထူးဆန်းတဲ့ ကိစ္စ​တွေဖြစ်ပွားတတ်ကြတယ်၊ ကန်နှင့် ​ဝေး​ဝေး​နေရင်​တော့ ဘာမှဖြစ်လာမှာမဟုတ်ဘူး၊ ဒါ​ပေမဲ့ လွန်ခဲ့တဲ့ နှစ်ရက်​လောက်​တုန်းက ရွာသားနှစ်​ယောက် ကန်ထဲ ဆွဲ​ခေါ်ခံလိုက်ရတယ်" ချန်ယန်သည် ကြီးမား​သော မြင်ကွင်းများကို မြင်​တွေ့ခဲ့ဖူး​ပေမယ့် ထိုသဘာဝလွန်ကိစ္စရပ်များကို ကြားလိုက်ရ​သောအခါ အနည်းငယ် ​ကြောက်လန့်သွားခဲ့​ပေသည်။

ပိုင်ယွင်ရှီသည် သံသယဖြင့် ​မေးလိုက်၏ "လူကြီး​တွေလည်း ကန်ထဲ ဆွဲ​​​ချခံလိုက်ရတာလား"

ချန်ယန်က ​ခေါင်းငြိမ့်လိုက်ပြီး "ဟုတ်တယ်၊ လူကြီး​တွေ​ရောပဲ"

ထို့​နောက် ယဲဖန်သည် သူ့စိတ်ထဲ ​တွေး​နေမိ​လေသည် 'ယခင်တုန်းက ကန်ထဲက သရဲ​တွေမှာ လုပ်နိုင်စွမ်းမရှိခဲ့ပါဘူး၊ ​တစ်စတစ်စပြောင်းလဲသွားခဲ့တာလား၊ အခု ဘယ်လို​တွေ ဖြစ်ကုန်ကြပြီလဲ​ဆိုတာ မသိ​တော့ပါဘူး"