Unicode
"မင်းက တခြားကမ္ဘာက ဧည့်သည်လား၊ တခြားလူရဲ့ ခန္ဓာကိုယ်ကို အပိုင်စီးထားတာလား" ပိုင်ယွင်ရှီက မမေးဘဲ မနေနိုင်တော့ပေ။
ယဲဖန်က ခေါင်းငြိမ့်လိုက်ပြီး "အဲ့လိုမျိုးပါပဲ"
ပိုင်ယွင်ရှီသည် အရင်ကတည်းက ခန့်မှန်းထားမိသော်လည်း ၎င်းကို အတည်ပြုခံလိုက်ရပြီးနောက် သူဟာ အစစ်အမှန်မဟုတ်သလိုမျိုး ခံစားနေရဆဲပင် ဖြစ်လေသည်။
"မင်း ငါ့ကို တစ်ခါမှ မပြောပြခဲ့ဖူးဘူး" ပိုင်ယွင်ရှီက မျက်မှောင်ကြုတ်ပြီး စောဒက တက်လိုက်လေသည်။
ယဲဖန်က သူ့အား လှည့်ကြည့်လာပြီး အလေးအနက်ဖြင့် "မင်းမှ မမေးခဲ့တာ"
ပိုင်ယွင်ရှီသည် စိတ်ထဲ၌ မျက်လုံးလှိမ့်လိုက်မိလေတော့သည် 'အရမ်းကောင်းတယ်၊ သူက အကြောင်းပြချက်မရှိဘဲ ဒါကို ဘာလို့ မေးရမှာလဲ'
မျက်နှာတည်တည်ဖြင့် ပိုင်ယွင်ရှီသည် အသက်ပြင်းပြင်းရှုထုတ်လိုက်ပြီး "ဟုတ်တယ်၊ ငါမမေးခဲ့ဖူးဘူး၊ ဒါဆို မင်းက ဘယ်က လာပြီးတော့ အရင်တုန်းက မင်းက ဘာလဲ"
"ငါ ..... ငါက အတော်လေး လုပ်န်ုင်စွမ်းရှိခဲ့တာ၊ ငါကို ကျင့်ကြံခြင်းဂိုဏ်းရဲ့ ဒုတိယမျိုးဆက် သခင်လေးအဖြစ် လေးစားခဲ့ကြတယ်၊ ငါ့အဘေးက ယွမ်ယင်အချိန်ကာလတုန်းက ကြီးမြတ်တဲ့ ဘုန်းတော်ကြီးတစ်ဦး ဖြစ်ခဲ့ပြီး ငါ့အဖေကျတော့ ဂိုဏ်းတစ်ခုရဲ့ အကြီးအကဲလေ၊ ငါ့အကိုကြီးကတော့ ဂိုဏ်းခေါင်းဆောင်ရဲ့ အမွေဆက်ခံသူထဲက ထိပ်တန်းတပည့်တစ်ဦးပဲ၊ ဂိုဏ်းထဲမှာ ငါ့ကို ဘယ်သူမှမစော်ကားရဲကြဘူး၊ သူတို့တွေက ငါ့ကို စော်ကားခဲ့ရင် ငါ့အကိုကြီးက ရိုက်နှက်ဆုံးမပစ်ခဲ့တာလေ "
ပိုင်ယွင်ရှီ "....." ဒါဆို ဒီကောင်လေးက ချမ်းသာတဲ့မိသားစုထဲမှာ မွေးဖွားလာခဲ့တာကြောင့် အရမ်းတုံးအနေတာပေါ့လေ။
"ဒါဆို အရင်ဘဝမှာ မင်းက အရမ်းအစွမ်းထက်မှာပေါ့နော်"
"အခြေအနေပေါ် မူတည်တယ်" ယဲဖန်က ပြောလိုက်၏ "ဥာဏ်ပညာပိုင်းမှာဆိုရင် ငါက ဂိုဏ်းထဲမှာ နံပါတ်တစ်ပညာရှင်ပဲ၊ ငါ့အဘေးတောင် ကျင့်ကြံရေးနဲ့ပတ်သတ်လာရင် ငါနဲ့ပဲ ဆွေးနွေးတိုင်ပင်ရတာလေ "
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Adventure"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...
