Unicode
ရဲစခန်း၌
ယဲဖန်သည် မကျေနပ်မှုများအပြည့်ဖြင့် ရဲစခန်းတွင် ထိုင်နေပြီး လူအိုကြီးလို မျက်မှောင်ကြုတ်ထားလေသည်။
"သူဌေးယဲ ကျေးဇူးပြုပြီး သည်းခံထားပါနော်။ စာရင်းသွင်းပြီးတာနဲ့ ကျွန်တော်တို့ ထွက်သွားလို့ရပါပြီ။ ငါ့အကိုကြီးဆီကို အာမခံပေးဖို့ ဖုန်းဆက်ပြီး တောင်းဆိုပေးထားပါတယ်" ချိုက်ကျန်ကျွင်းက အသံလျှော့ပြီး ဂရုတစိုက် ပြောလိုက်လေသည်။
ယဲဖန်သည် "အရမ်း စိတ်ရှုပ်စရာကောင်းလိုက်တာ" ဟု ပြောရင်း တစ်ခုခုအား ကန်လိုက်လေသည်။
ချိုက်ကျန်ကျွင်းသည် ခေါင်းကုတ်လိုက်ကာ သူ့စိတ်ထဲတွေးနေမိခဲ့သည် 'ဒီနေ့ ငါတို့ကို လာဖမ်းတာက သာမန်ရုံးကဆို သူတို့ကို အစောကြီးကတည်းက လှည့်စားပြီးနှင့်လေပြီ။ သို့သော်လည်း အဲ့ရဲအရာရှိအမျိုးသမီး လီခယ့်နန်(ချန်ခယ့်လန်)သည် ရဲမိသားစုတွင် မွေးဖွားခဲ့သူတစ်ဦး ဖြစ်ပေသည်။ သူမအဖေက ရဲစခန်းညွှန်ကြားရေးမှူးတစ်ဦးဖြစ်ကာ သူမအကိုကြီးကလဲ စစ်တပ်တွင် ရာထူးကြီးလေသည်။ ဒါကြောင့် သူမအား မျက်နှာတစ်ချို့ ပြသရပေလိမ့်မည်။
"နာမည်" အမျိုးသမီးရဲအရာရှိက အေးစက်စွာ မေးလိုက်၏။
"ယဲဖန်"
"အသက်"
"၂၀"
"လိင်အမျိုးအစား"
"မင်း မပြောနိုင်ဘူးလား" ယဲဖန်က မှုန်ကုပ်ကုပ်ဖြင့် ပြောလာခဲ့သည်။
"ငါ့မေးခွန်းကိုပဲ ဖြေပါ" အမျိုးသမီးရဲအရာရှိက သူ့အား အေးစက်စက် စိုက်ကြည့်နေခဲ့သည်။
"မင်းက ငါ့ကို မေးခွန်းအများကြီးမေးထားတာ၊ ဘာလဲ၊ ငါ့ကို လိုက်မလို့ ကြိုးစားနေတာလား" ယဲဖန်က မေးလာသည်။
ဘေးနားတွင် လက်ဖက်ရည်သောက်နေသည့် ရဲတစ်ဦးသည် ပါးစပ်အပြည့်နှင့် လက်ဖက်ရည်ကို ထွေးထုတ်လိုက်မိ၏။
"အလေးအနက်ထားစမ်း" အမျိုးသမီးရဲအရာရှိက ပြောလိုက်သည်။
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Adventure"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...
