သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၁၃)

Unicode

ပိုင်မိသားစုတွင်

"တောက်ဆရာရှု သခင်လေးမုက ဘယ်မှာလဲ" ပိုင်ရှစ်ယွမ်က မေးလိုက်သည်။

ရှုယွမ်ချင်က မျက်မှောင်ကြုတ်လိုက်ပြီး "သူ ယဲဖန်ဆီ သွားပြီ"

ပိုင်ရှစ်ယွမ်က အံ့သြသွားကာ "ဘာ။ သူက အဲ့ဒီကို ဘာသွားလုပ်တာတုန်း"

"ယဲဖန့်ဗီဒီယိုတွေကို ကြည့်ပြီး သူ့အမာခံပရိတ်သတ်တစ်ဦး ဖြစ်သွားပြီလေ"

ပိုင်ရှစ်ယွမ်သည် လက်ဖက်ရည်ထွေးထုတ်လုမတတ် ဖြစ်သွားခဲ့၏ "သူက ယဲဖန့် အမာခံပရိတ်သတ်ဖြစ်သွားပြီလား"

ရှုယွမ်ချင်က ခေါင်းငြိမ့်လိုက်ပြီး "ဟုတ်တယ်"

ရှေးဟောင်းပညာရပ်ကျင့်ကြံသူကြားရှိ ပြိုင်ဆိုင်မှုများက ရက်စက်ကြမ်းတမ်းလှပေသည်။ မုမိသားစုက ပြီးခဲ့သည့်နှစ်များအတွင်း ထူးခြားသည့်အရည်အချင်းရှိသူများအား မမွေးထုတ်နိုင်ခဲ့ပေ။ မုလျန်ဖင် စိတ်ဝိညာဥ်မီးတောက်သစ်သီးကို စားသုံးရန် အရဲစွန့်ရသည့် အကြောင်းအရင်းကလဲ သူနှင့် စေ့စပ်ကြောင်းလမ်းထားသည့် ယန်လိန်ရွယ်ကြောင့်ပင် ဖြစ်သည်။ မုလျန်ဖင်သည် သူမ၏တိုက်ကွက် အချက်၂၀ကို မခံနိုင်လောက်သည်အထိ အားနည်းလွန်းခဲ့တာကြောင့် သူ့အား အထင်အမြင်သေးခဲ့လေသည်။

ယန်လိန်ရွယ်သည် ရှေးဟောင်းကျင့်ကြံသူမိသားစုကြီးလေးစုထဲက တစ်စုတွင် မွေးဖွားလာခဲ့သူတစ်ဦး ဖြစ်သည်။ သူမက လှပပြီး အဖက်မလုပ်တတ်သည့်စိတ်နေစိတ်ထားမျိုး ပိုင်ဆိုင်ထားခဲ့သည်။ သူမဟာ ငယ်ရွယ်စဥ်ကတည်းက သူမ၏ကျင့်ကြံမှုက မြင့်မားသောနယ်ပယ်အဆင့်တစ်ခုသို့ ရောက်ရှိနေခဲ့ပေသည်။ ယန်မိသားစုရှိ အကြီးအကဲများကတောင် သူမပြိုင်ဘက်မဟုတ်တော့ဘူးလို့တောင် ပြောဆိုနေခဲ့ကြ၏။

လွန်ခဲ့သည့်တစ်လက ယန်လိန်ရွယ်သည် မုမိသားစုထဲသို့ တိုက်ရိုက်ဝင်ရောက်လာခဲ့ပြီး မုလျန်ဖင်ကို သူမနှင့် တိုက်ခိုက်ဖို့ တွန်းအားပေးခဲ့သည်။ မုလျန်ဖင်က သူမ၏ တိုက်ကွက်အချက်၂၀ကို မခံနိုင်လျှင် သူမ၏လက်တွဲဖော်တစ်ဦးဖြစ်လာဖို့ အရည်အချင်း မရှိကြောင်း ပြောဆိုခဲ့၏။ ရလဒ်ကတော့ မုလျန်ဖင်က ရှုံးနိမ့်သွားခဲ့ရသည်။