သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၆၄)

Unicode

ပိုင်ယွင်ရှီသည် ပိုင်မိသားစုဆီသို့ ပြန်​ရောက်လာ​သောအခါ သူဟာ ဧည့်ခန်းထဲတွင် ချန်နုန်းမျိုးနွယ်စုမှ လူ​တော်​တော်များများကို ​တွေ့လိုက်ရတာ​ကြောင့် သူတို့​တွေများ တစ်ခုခုကို သိသွားလို့ သူ့ဆီ ​ရောက်လာတာလားဆိုပြီး မှန်းဆရင်း အနည်းငယ် အပြစ်ရှိသလိုမျိုး ခံစားလိုက်ရ​​လေသည်။

"ယွင်ရှီ ပြန်လာပြီ​ပေါ့" ပိုင်ယွင်ကျင်းက ​ပြောလိုက်သည်။

ပိုင်ယွင်ရှီသည် ​ခေါင်းငြိမ့်ပြလိုက်ပြီး​နောက် ​မေးလိုက်​လေသည် "အကိုကြီး ဒီ​နေ့ ဧည့်သည်​တွေအများကြီး ​ရောက်​နေပါလား"

"သူတို့​တွေက ​တောက်ဆရာရှုရဲ့ မိတ်​ဆွေ​တွေ​လေ၊ သူတို့​တွေက ​တောက်ဆရာရှုဆီမှာ အကူအညီတောင်း​ဖို့ ​ရောက်နေကြတာ​" ပိုင်ယွင်ကျင်းက ​ပြောလိုက်​လေသည်။

စိတ်သက်သာရာ ရသွားပြီး ပိုင်ယွင်ရှီက ​တွေးလိုက်​လေသည် 'ဒါဆို သူတို့​တွေက ဒီကို ငါ့အတွက်နဲ့ ​ရောက်လာတာ မဟုတ်ဘူး​ပေါ့'

"ယွင်ရှီ သူတို့​တွေက အ​ရေးကြီးတဲ့ ဧည့်သည်​တွေ​၊ ​​သူတို့အားလုံးဟာ ကျွမ်းကျင်တဲ့ ​ဆေးဆရာ​တွေလို့ ​တောက်ဆရာရှုဆီက ငါကြားခဲ့တယ်" ပိုင်ယွင်ကျင်းက ​ပြောလိုက်​လေသည်။

ပိုင်ယွင်ရှီက အတင်းပြုံးလိုက်ပြီး ​တွေးလိုက်မိ​လေသည် 'ယဲဖန်က ဒီဧည့်သည်တွေဆီက​နေ မိုးကြိုးဝါးကို လုယူထားမှန်းသာ သိသွားရင် ရူးသွား​လောက်မလားပဲ'

"တတိယသခင်​လေးပိုင် မင်း​ရောက်လာပြီ​ပေါ့" ရှုယွမ်ချင်သည် ပိုင်ယွင်ရှီကို မြင်​တော့ ဝမ်းသာသွားခဲ့​​ပေသည်။

ချန်နုန်းမျိုးနွယ်စုမှ ထိုလူများက ပိုင်ယွင်ရှီကို လှည့်ကြည့်လာကြ​ပေသည်။ သူက သာမာန်လူဆိုတာကို မြင်သွားတော့ သူတို့​တွေဟာ သူတို့အကြည့်များကို ပြန်လည်ရုပ်သိမ်းသွားခဲ့ကြ​သည်။

သူတို့​တွေ၏ လျစ်လျူရှု​သော တုံ့ပြန်မှုများကို သတိပြုမိ​​လိုက်တော့ ရှုယွမ်ချင်သည် ပိုင်ယွင်ရှီကို မြင်​သောအခါ အနည်းငယ် ရှက်ရွံ့သွားခဲ့​​ပေသည်။