သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၈၀)

Unicode

ကျန်းရွမ်သည် ယဲဖန်ဗီလာထဲ ဝင်လာ​တော့  ချိုက်ကျန်ကျွင်းသည် ​ခိုး​ကြောင်းခိုးဝှက်ဖြင့် သူ့အပြုအမူများက သံသယဝင်စရာ​ကောင်းလှ​ပေသည်။

"သခင်​လေးချိုက်" ကျန်းရွမ်သည် သူ့​နောက်​ကျောကို ပုတ်ပြီး ​ခေါ်လိုက်၏။

ချိုက်ကျန်ကျွင်းသည် ထိတ်လန့်နေ​သော ​ကြောင်တစ်​ကောင်ကဲ့သို့ ​အလန့်တကြားခုန်လိုက်ပြီး "မင်းပဲ ​တောက်ဆရာကျန်း၊ ငါ့ကို လာ​ခြောက်​နေတယ်"

ထို့​နောက် သူ့ရင်ဘတ်ကို ပုတ်လိုက်ပြီး စိတ်သက်သာရာရသွား​ခဲ့သည်။

ကျန်းရွမ်သည် စိတ်ထဲတွင် မျက်လုံးလှိမ့်ပြလိုက်ပြီး ​တွေး​နေမိ၏ 'ဒီလိုသူရဲ​ဘော​ကြောင်​နေပြီး သဘာဝလွန်ကိစ္စရပ်​တွေကို စိတ်ဝင်စား​​နေ​သေးတာလား'

"သခင်​လေးချိုက် ဒီမှာဘာလုပ်​နေတာလဲ၊ သူခိုးကျ​နေတာပဲ" ကျန်းရွမ်က ပြုံးရယ်စွာ ဆိုလိုက်၏။

မျက်နှာတည်တည်ဖြင့် ချိုက်ကျန်ကျွင်းက ဆိုလိုက်၏ "တကယ်​တော့​လေ သခင်​လေးယဲဗီလာက သရဲ​ခြောက်နေတယ်လို့ ငါ သံသယဝင်​နေ​ပေမဲ့ ငါ အထဲကို မဝင်ရဲလို့"

"သခင်​လေးယဲရှိ​နေတာ ဘယ်သရဲက လာရဲမှာလဲ၊ ဒါက ​သေခြင်းကို ဆုံးဖြတ်​ပေးတာနဲ့ တူမ​နေဘူးလား" ကျန်းရွမ်က သ​ဘောမတူစွာ ​ပြောလိုက်၏။

ချိုက်ကျန်ကျွင်းက သ​ဘောတူစွာ ​ခေါင်းငြိမ့်ပြလိုက်ပြီး "သခင်​လေးယဲ ရှိ​နေသ​ရွေ့​တော့ အဲ့ဒီသရဲ​တွေက အနား​တောင် ကပ်ရဲကြမှာ မဟုတ်ဘူး၊ ဒါ​ပေမဲ့ အခု သခင်​လေးယဲ မရှိဘူး​လေ ​တောက်ဆရာကျန်း၊ သခင်​လေးယဲက ပြီးခဲ့တဲ့ရက်ကတည်းက အပြင်ထွက်သွားတာ၊ သူက သခင်​လေးပိုင်ကို ကန္တာရကို ​​ခေါ်သွားတယ်လို့ ​ပြော​တာပဲ၊ ဒါ​ပေမဲ့ မ​နေ့ညက ဗီလာထဲက​နေ တစ်စုံတစ်​ယောက် သီချင်းဆို​နေတာကို ကြားခဲ့ရတယ်"

"ရလဒ်က​တော့ အိမ်နီးချင်းတစ်​ယောက်က ဒါကို တင်ပြခဲ့လို့ လုံခြုံ​ရေးအ​စောင့်​တွေက သခင်​လေးယဲ ဗီလာထဲ ဝင်သွားကြတယ်၊ ဘာ​ကြောင့်လဲဆိုတာ​တော့ ဘယ်သူမှ မသိခဲ့ကြဘူး၊ သူတို့​တွေက​တော့ ​ကြောက်လန့်​နေကြပြီ"