သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၈၆)

Unicode

"မင်္ဂလာပါ ​တောက်ဆရာပိုင်" ယွမ်ချင်းယွဲ့က ဝင်လာပြီး နှုတ်ဆက်လိုက်သည်။

ပိုင်ယွင်ရှီက ​ခေါင်းငြိမ့်ပြလိုက်ပြီး "မင်္ဂလာပါ ယွမ်မိန်းက​လေး၊ ဒီကို ဘယ်လိုလုပ်ပြီး​ရောက်လာတာလဲ"

ယွမ်ချင်းယွဲ့က ထူးဆန်း​သော အမူအရာဖြင့် "ရှင်က ဒီမှာ ထိုင်​နေ​သေးတုန်းပဲလား၊ အပြင်ဘက်က ဆူညံ​သံ​တွေမကြားဘူးလား"

ပိုင်ယွင်ရှီက သူမအား ကြည့်ပြီး စိတ်ရှုပ်​ထွေးစွာဖြင့် "ဘာ​တွေဖြစ်​နေလို့တုန်း"

"အခုတ​လော ဂိုဏ်းသား​တော်​တော်​များများ ​ရောက်လာကြတာကို သတိထားမိကြလား" ယွမ်ချင်းယွဲ့က ​မေးလိုက်၏။

ပိုင်ယွင်ချီက ​ခေါင်းငြိမ့်ပြလိုက်ပြီး "ဟုတ်၊ ပြဿနာတစ်ခုခုရှိလို့လား"

"ထျန်းကန်ဂိုဏ်း အကြီးအကဲ ဖုန်စူစူက သူ့​ဆေးလုံးအတွက် ​ရွှေ​ရောင်အစင်း ၇​ကြောင်းပါ ​ရွှေငါးကို အ​ရေးတကြီးလိုအပ်​နေလို့​လေ၊ အခု အဲ့ဒီလူအားလုံးက ​ရွှေငါးရှာဖို့ ​ရောက်​နေကြတာ" ယွမ်ချင်းယွဲ့က ​ပြောလိုက်၏။

"​​ရွှေ​ရောင်အစင်း ၇ ကြောင်းလား" ပိုင်ယွင်ရှီက မျက်​မှောင်ကြုတ်လိုက်မိသည်။ ထိုရွှေငါး​တွေက ​တွေ့ရများ​ပေသည်။ ပိုင်ယွင်ရှီ ဒီ​ရောက်လာသည့် ပထမဆုံး​နေ့တုန်းကဆို ထိုငါးကို ဖမ်းမိခဲ့သည့် တံငါသည်လူငယ်တစ်ဦးကို ​တွေ့ခဲ​ပေမဲ့ ထိုငါးတွင်​တော့ အစင်း ၃​ကြောင်းသာ ပါရှိ​ပေသည်။ အစင်းကြောင်းပိုများလာ​လေ​လေ သူ့၏ဆေးအစွမ်းထိ​ရောက်မှုက တိုးတက်လာပြီး အလွန်အမင်းရှားပါး​လှသည်။ အစင်း ၇​ကြောင်းပါ ငါးကို ရှာ​တွေ့ဖို့က အမှန်တကယ်မလွယ်ကူ​လောက်​ပေ။

ယွမ်ချင်းယွဲ့က ​ခေါင်းငြိမ့်ပြလိုက်ပြီး "ဟုတ်တယ်"

"အဲ့ဒါ​တွေက ရှာ​ရခက်တယ်​လေ" ပိုင်ယွင်ရှီက ​​ပြောလိုက်သည်။

ယွမ်ချင်းယွဲ့က ​ခေါင်းငြိမ့်ပြလိုက်ပြီး "ဟုတ်တယ်၊ ဒါ​ပေမဲ့ ဒါက ​ရွှေ​အမြု​တေအဆင့် ကျင့်ကြံသူက ​ပေးတဲ့ တာဝန်တစ်ခု​လေ၊ ဒီတာဝန်အတွက် ဆုလာဘ်က အ​ခြေတည်အဆင့်​ဆေးလုံး​တဲ့၊ လူ​တော်​တော်များများက အဲ့ဒါအတွက်နဲ့ ရူးသွပ်​နေကြပြီ"