Unicode
ယဲဖန် ဗီလာတွင်
မုလျန်ဖင်သည် ဆောင့်ကြောင့်ထိုင်ကာ ငါးကန်ထဲရှိ လိပ်နှစ်ကောင်အား ကြည့်နေခဲ့လေသည်။
"သခင်လေးယဲ မင်းဘာလို့ ငါးကန်အကြီးကြီး ဝယ်ခဲ့ရတာလဲ"
ယဲဖန် "....." ဘာလို့လဲဆိုတော့ လိပ်နက်က ကြီးတာလိုချင်တယ်လို့ ပြောနေလို့ပေါ့ကွ။ ငါသာ သေးသေးလေး ဝယ်ပေးလိုက်ရင် ငါ့လာကိုက်နေမှာလေ။
"သူတို့တွေအတွက်က သေးသေးလေးဆို လုံလောက်အောင် မကြီးထွားလာနိုင်ဘူးလေ" ယဲဖန်က ပြောလိုက်၏။
မုလျန်ဖင် "မဖြစ်နိုင်တာ၊ လိပ်က နှစ်ကောင်တည်းရှိတာ တစ်ကောင်ဆို သေးသေးလေးရယ်၊ အဲ့လောက်ကြီး မလိုအပ်ပါဘူး"
"ဟုတ်တယ်၊ နည်းနည်းတော့ ကြီးသွားတယ်နော်၊ ဒါပေမဲ့ ငါ့မှာ ရွေးချယ်စရာမှ မရှိတာ"
လိပ်နက်က လက်ဖဝါးအရွယ်အစားထိ ကျုံ့သွားကာ ကြည့်ရသည်မှာ ချစ်စရာအလွန်ကောင်းပေသည်။ ယဲဖန်သည် တိတ်တဆိတ် နှုတ်ခမ်းစူထားမိလေသည်။ သိသိသာသာကို သူက နတ်ဆိုးသားရဲကောင်ဖြစ်ပေမဲ့ သေးသေးလေးကျုံ့သွားပြီး ချစ်စရာကောင်းအောင် အရှက်မရှိ သရုပ်ဆောင်နေခဲ့ပေသည်။
မုလျန်ဖင်သည် လိပ်နက်ကို စိတ်ရှုပ်ထွေးစွာ ကြည့်လိုက်ပြီး "ဒီလိပ်က ထူးဆန်းနေသလိုပဲ"
ယဲဖန်က သူ့အား ကြည့်ကာ တွေးလိုက်မိသည် 'ဒီကောင်မှာ စူးရှတဲ့မျက်လုံးတစ်စုံရှိနေတာပဲ'
"ဘယ်လိုမျိုးထူးဆန်းနေလို့လဲ"
"သခင်လေးယဲ မင်းအရင်က ဝယ်ခဲ့တဲ့လိပ်က သူ့ကို ကြောက်လန့်နေတဲ့ပုံပဲ" ထို့နောက်မုလျန်ဖင်က သူ့ကိုယ်သူပြောနေမိ၏ 'ငါ့မှတ်ဥာဏ်သာ မှန်တယ်ဆိုရင် အရင်က ဝယ်ထားတဲ့ယဲဖန်လိပ်က အရမ်းမာနထောင်လွှားပြီး လွှမ်းမိုးတတ်တဲ့ လိပ်တစ်ကောင်ပါ၊ သူ့စော်ကားတဲ့သူ ဘယ်သူပဲဖြစ်ဖြစ် ဒီကောင်က ရေနဲ့ မှုတ်ထုတ်ခဲ့တာ၊ အခုကျတော့ ငုံးကျနေတာ၊ လိပ်သေးသေးလေးက သူ့နောက်လိုက်လာရင် သူက အဝေးကို တန်းထွက်ပြေးသွားတယ်'
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
مغامرة"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...
