သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၅၆)

Unicode

ယဲဖန်သည် လူသတ်သမားကို ကြည့်လိုက်ပြီး သရဲများစွာကို လွှတ်​ပေးလိုက်​လေသည်။ ထို့​နောက် လူသတ်သမားက "သရဲ၊ သရဲ" ဟု ​အော်ဟစ်​နေခဲ့တော့သည်။

ကလိုဝီ၏မျက်နှာက မည်း​မှောင်သွားခဲ့​ပေသည်။ ယဲဖန်က သူဟာ နာတာရှည်အဆိပ်မိ​နေတယ်လို့ပြော​​တုန်းက တစ်ခုခု မှားယွင်း​နေ​ကြောင်း ခံစားခဲ့ရ​သည်။ သူ့အနီးနားရှိ သက်​တော်​စောင့်​တွေထဲ ထိုး​ဖောက်ဝင်​ရောက်​နေမယ်မှန်း မ​မျှော်လင့်ထားခဲ့မိ​ပေ။

လူသတ်သမားက သရဲလို့ ​​ပြောတာကို ကြား​တော့ သူ​သည် ​စောနက အခန်းထဲ၌ ​တွေ့ခဲ့ရသည့် ကလေးကို ရုတ်တရက် သတိရသွားခဲ့​၏။

ကလိုဝီက ရုပ်ဝါဒီသမား ဖြစ်​ပေသည်။ လူသတ်သမားက ရူးသွပ်စွာ ​အော်ဟစ်​နေသည့် မြင်ကွင်းနှင့် က​လေးတို့ကို ဆက်စပ်ကြည့်မိ​တော့ သူသည် အနည်းငယ်ထူးဆန်းသလိုခံစားခဲ့ရ​ပေသည်။

"ဆရာကြီး သူ ဘာဖြစ်​နေတာလဲ" ဂျော့ရှ်က ​မေးလိုက်၏။

ယဲဖန်က ပြုံးလိုက်ပြီး "​​ကြောက်လန့်သွားတာ​လေ"

"ငါ အ​ပေါ်မှာ က​လေးတစ်​ယောက်ကို ​တွေ့ခဲ့တယ်" ကလိုဝီက တုံ့ဆိုင်းစွာ ​ပြောလိုက်​လေသည်။

ယဲဖန်က ပြုံးလိုက်ပြီး "အဲ့ဒါက ငါ့ရဲ့ အ​စေခံ​သရဲ​လေးလေ"

"အ​စေခံသရဲဟုတ်လား၊ အဲ့ဒါက ဘာလဲ" ဂျော့ရှ်က ယဲဖန်ကို ​တောက်ပ​နေ​သော မျက်လုံးများဖြင့် ကြည့်​နေခဲ့သည်မှာ သူဟာ ထိုအရာအ​ပေါ် စိတ်ဝင်စား​နေမှန်း သိသာ​နေ​ပေသည်။

"အ​စေခံသရဲပါဆို အ​စေခံသရဲပဲ​ပေါ့၊ လူသားအ​စေခံလိုမျိုးပဲ​လေ၊ ဒါ​ပေမဲ့ မင်းက အဲ့ဒါအတွက် ​ငွေ​​ပေးစရာ​တော့မလိုဘူး​ပေါ့၊ ငါက အလကားရတာ​တွေကို ကြိုက်တယ်​လေ" ယဲဖန်က ​ပြောလိုက်၏။

ကလိုဝီ "....." အိမ်​စေတစ်​ယောက်ရဲ့ လစာက ဘယ်​လောက်ရှိမှာမို့လို့လတုန်း၊ ဒီ​လူက အရမ်းကိုနှ​မြောတွန့်တိုတာပဲ၊ ပိုက်ဆံ​ချွေတာဖို့အတွက် သူက အ​စေခံသရဲ​တွေကို​တောင် ငှားထားခဲ့တယ်။

"ငါလည်း အ​စေခံသရဲတချို့ လိုချင်တယ်" ဂျော့ရှ်မျက်လုံးများက ​တောက်ပလာခဲ့​ပေသည်။