Unicode
မိမိကိုယ်မိမိ ခုခံကာကွယ်ရန်အတွက် အဆောင်တစ်ချို့နှင့် မှော်လက်နက်တစ်ချို့ကို ပြုလုပ်ပြီးနောက် ယဲဖန်သည် သူ့ခရီးသွားလွယ်အိတ်ကို လွယ်ကာ ချန်ရှီပြည်နယ် လျှိုဖုန်မြို့သို့ ခရီးစတင်ခဲ့သည်။
"အားနာပါတယ်။ ဟိုတယ်က လူပြည့်နေပါပြီ" အရှေ့ကောင်တာမှဝန်ထမ်းမလေးက ယဲဖန်ကို ကြည့်ကာ ပြောလာခဲ့သည်။
ယဲဖန်က သူမကို စိတ်ဓါတ်ကျစွာ ကြည့်ရင်း "တစ်ယောက်ခန်းတောင် မကျန်တော့ဘူးလား"
ဝန်ထမ်းမလေးသည် ခေါင်းခါကာ "မကျန်တော့ပါဘူး"
"ကျွန်တော် အပိုပေးမယ်လေ" ယဲဖန်က ပြောလိုက်သည်။
"တောင်းပန်ပါတယ်။ ကျွန်မတို့ဆီမှာ တကယ် အခန်းတစ်ခန်းမှ မရှိတော့ပါဘူး"
ယဲဖန်သည် အရှေ့စားပွဲတွင် မတ်တပ်ရပ်ကာ ဝန်ထမ်းမလေးနှင့် စကားပြောနေစဥ် ပိုင်ယွင်ရှီသည် လှေကားပေါ်မှ ဆင်းလာခဲ့သည်။ သူ့ကို တွေ့တော့ ယဲဖန်သည် ရှေ့သို့ လျှောက်သွားပြီး သူ့လက်မောင်းကို စိတ်လှုပ်ရှားစွာ ဖမ်းဆုပ်လိုက်သည် "မင်း အခန်း ကြိုတင်စာရင်းသွင်းထားတာလား"
ပိုင်ယွင်ရှီသည် ယဲဖန်၏ဥာဏ်မဲ့သောစကားကြောင့် စိတ်ရှုပ်သွားသည်။
"မင်းက ဒီမှာ ဘာလုပ်နေတာလဲ" ပိုင်ယွင်ရှီက မျက်မှောင်ကြုတ်ကာ မေးလိုက်သည်။
"ငါ ဒီမှာ ရှေးဟောင်းသုတေသနဆိုင်ရာ အလုပ်အတွက် ရောက်နေတာ။ ဒါပေမဲ့ သူမက အခန်းမရှိတော့ဘူးလို့ ပြောနေလို့"
"ဘာ" ပိုင်ယွင်ရှီက အံ့သြသွားသည်။
ယဲဖန်က ကတ်ကို ထုတ်ကာ ပြောလိုက်သည် "ဟုတ်တယ်လေ ဦးလေးကျိုးက ငါ့ကို မိတ်ဆက်ပေးထားတာ။ ဒီမှာကြည့်"
ပိုင်ယွင်ရှီ "....."
"ဦးလေးကျိုးက မင်းကို ဒီမှာ ဘာလို့ မိတ်ဆက်ပေးရတာလဲ" ပိုင်ယွင်ရှီက အထင်သေးစွာ ပြောလိုက်သည်။
"ဖြစ်နိုင်တာကတော့ ငါ့ဆီမှာ တစ်ခုခုတွေ့ထားလို့ နေမှာပေါ့။ အရင်တစ်ခေါက်တုန်းက ငါပို့လိုက်တဲ့ စာရလား" ယဲဖန်က မေးသည်။
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Adventure"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...
