သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၈)

Unicode

ချစ်စရာ​ကောင်း​သော မိန်းက​လေးတစ်​ယောက်သည် တံခါးဝမှာ ​ပေါ်လာကာ ယဲဖန်ကို တ​လေးတစားဖြင့် "ဦး​လေးယဲ" ဟု ​ခေါ်လိုက်၏။

ယဲဖန်သည် သူမကို ကြည့်ပြီး မျက်​တောင်ခတ်လိုက်ကာ "မင်းကို ကြည့်ရတာ ရင်းနှီး​နေသလိုပဲ"

"သမီးနာမည်က ထန်နျန်ပါ"

"အိုး ငါမှတ်မိပြီ။ မင်းက ​ရှောက်ချန်ရဲ့ ​ကောင်မ​လေးမလား"

ချန်ယွီ "....." ဘာလို့ ပိုး​ဟပ်ရဲ့ကောင်မ​လေး ဆိုတဲ့အသံထွက်နဲ့တူ​နေရတာလဲ။

(Note:: ဤကိုးကားချက်သည် Stephen Chow's comedy Fliting Scholar မှ ကူးယူ​ဖော်ပြထားခြင်းဖြစ်သည်။ ဇာတ်လိုက်သည် ပိုး​ဟပ်​အသေတစ်​ကောင်ကို 'my little Qiang' လို့​ခေါ်တဲ့ဇာတ်ဝင်ခန်းတစ်ခု ရှိသည်)

"သမီးက သူ့​ကောင်မ​လေးမဟုတ်ဘူး။ သူ့ရဲ့ အတန်း​ဖော်ပါ" ထန်နျန်က ပြန်​ဖြေသည်။

ယဲဖန်သည် ခပ်​ဖျော့​ဖျော့ ပြုံးလိုက်ပြီး "အခု​တော့ မင်းက သူ့ရဲ့အတန်း​ဖော်ဖြစ်​နေပြီ။ ဒါ​ပေမဲ့ တစ်​နေ့​နေ့မှာ​တော့ သူ့ရဲ့ ​ကောင်မ​လေး ဖြစ်လာလိမ့်မယ်။"

ချန်ယွီ "....." ယဲဖန် ​ဒီကောင်က တကယ်ပဲ ချစ်စရာ​ကောင်းတဲ့ ​ကောင်မ​လေးကို စ​နောက်​နေတယ်။ ​ဒေါသထွက်စရာပဲ။

"မင်း နို့ သောက်အုံးမလား" ယဲဖန်က ​​မေးသည်။

ထန်နျန်သည် ​ခေါင်းခါလိုက်ကာ "မ​သောက်​တော့ဘူး။ ​ကျေးဇူးတင်ပါတယ်။ သမီးက ဒီကိုတောင်းဆိုစရာတစ်ခုရှိလို့ လာတာပါ"

"အဲ့ဒါက ဘာလဲ"

"သမီးက ​ရှောက်ချန်ကို ကယ်ခိုင်း​မလို့ပါ"

ယဲဖန်သည် မျက်​မှောင်ကြုတ်ကာ "အဲ့ဒီဝက်က​လေးမှာ တစ်ခုခုဖြစ်သွားတာလား" ငါ အဲ့တာကို တစ်ခါမှမကြားဖူးပါဘူး။ ဒါကလဲ အံ့သြစရာ​တော့မဟုတ်ပါဘူး။ ဝူစီဟန်က သူ့ကို အမှိုက်တစ်ခုလိုပဲ အမြဲသတ်မှတ်ထားတာ။ သူက ​ကောင်ငယ်​လေးတစ်​ယောက်ဖြစ်လာရင်​တောင် သူ့ကို ဘယ်​တော့မှအထင်မကြီးဘူး။

"သူက ပြန်​ပေးဆွဲခံလိုက်ရတာ။ သူတို့က အပြင်မှာ​တော့ ​နေမ​ကောင်းဘူးလို့ပဲ ​ပြောထားတာ" ထန်နျန်က ​ပြောသည်။
ချန်ယွီသည် စိတ်လှုပ်ရှားစွာ သူ့နို့ခွက်ကို ကိုင်လိုက်သည်။ ​သေတာပဲကွ။ ငါ မကြားသင့်တဲ့အရာမျိုးကို ကြားလိုက်ရတဲ့ပုံပဲ။ ဝူမိသားစု၏ ​မြေးကြီးက ပြန်​ပေးဆွဲခံလိုက်ရတာလား။ ဘယ်သူက ​တော်​တော်သတ္တိရှိ​နေတာလဲ။