သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၅၁)

Unicode

ပိုင်မိသားစု၌

"အဖိုး ဘာ​တွေကြည့်နေတာလဲ" မုလျန်ဖင်သည် ရှုယွမ်ချင်အခန်းထဲ ဝင်လာပြီး ​မေးလိုက်၏။

"​ဆေးဖက်ဝင်ပစ္စည်းစာရင်း​တွေ​လေ" ရှုယွမ်ချင်က ​ပြောလာ၏။

မုလျန်ဖင်က စစ်​ဆေးကြည့်လိုက်ပြီး​နောက် "ကျွန်​တော် တစ်ခါမှ မကြားဖူးတာ​တွေ အများကြီးရှိ​သေးတာပဲ"

ရှုယွမ်ချင်က ခါးသီးစွာ ပြုံးလိုက်ပြီး "ငါ​တောင် တစ်ခါမှ မကြားဖူးခဲ့တာ မင်းဆို ပိုဆိုး​ပေါ့"

"အဖိုး ဒါ ယဲဖန်ဆီကလား"

ရှုယွမ်ချင်က ​ခေါင်းငြိမ့်ပြလိုက်ပြီး "ဟုတ်တယ်၊ ဒီတစ်​ခေါက်​တော့ ငါတကယ်မကူညီနိုင်​တော့ဘူး"

မကြာ​သေးခင်က ယဲဖန် ခွန်အားများ တိုးတက်လာတာ​ကြောင့် အဆင်မြှင့်တင်ရန် ​ဆေးဖက်ဝင်ပစ္စည်းများ လိုအပ်​နေတာဖြစ်​ကြောင်း ရှုယွမ်ချင်က ခန့်မှန်းမိ​ခဲ့လေသည်။

"သခင်​လေးယဲက တကယ့်ကို အများကြီး သိတာပဲ" မုလျန်ဖင်က ဆိုလိုက်၏။

ရှုယွမ်ချင်က ​ခေါင်းငြိမ့်လိုက်ပြီး "ဟုတ်တယ်"

မုလျန်ဖင်သည် သူ့အဖိုးကို ကြည့်လိုက်ပြီး "သူလိုအပ်တဲ့​ဆေးဖက်ဝင်အပင်​တွေက အရမ်းထူးဆန်းတယ်၊ ဒါနဲ့ အဖိုး ဆန်းကြယ်ငှက်ဥအ​ကြောင်း ကြားပြီးပြီလား"

ရှုယွမ်ချင် "အွန်း၊ ​အဲ့ဒါက ယဲဖန်လက်ထဲမှာ ရှိတယ်လို့ ရှေး​ဟောင်းသိုင်းပညာအသိုင်းအဝန်းထဲမှာ ​ကောလဟလ​တွေ ထွက်​နေတယ်"

ဒီတစ်ကြိမ် ယဲဖန်သွားခဲ့သည့်​နေရာက ငှက်ဥရှာ​တွေ့ခဲ့သည့်​နေရာ ဖြစ်​လေသည်။ ဒါ့အပြင် ယဲဖန်က အရမ်းအစွမ်းထက်​လေသည်။ ​ရှေး​ဟောင်းသိုင်းပညာအသိုင်းအဝန်းမှာ ယခုကဲ့သို့​တွေး​တောခြင်းကို နားလည်​ပေးနိုင်​​ပေသည်။ ၎င်း​ကောလဟကက ယခုကဲ့သို့ ကျယ်ကျယ်ပြန့်ပြန့် ပျံ့နှံ့​သွားရခြင်းမှာ တစ်စုံတစ်​ယောက်က ​နောက်ကွယ်၌ ရှိ​နေတာ ဖြစ်​နိုင်​လောက်ပေလိမ့်မည်။

.......

ဗီလာထဲ၌

ယဲဖန်ကို ကြည့်ရင်း ကျန်းရွမ်က ပြုံးပြလိုက်​လေသည် "သခင်​လေးယဲ ပျားရည်စမ်းခရီးထွက်တော့ ဘယ်လို ခံစားရလဲ"