သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၆၁)

Unicode

အတားအဆီးများ မြှင့်တက်လာသည်ကို မြင်​တော့ ယန်လိန်ရွယ်သည် စိတ်ရှုပ်​ထွေးသွားပြီး "ယဲဖန်က ဘာ​တွေ သုံးထားတာလဲ၊ ​သေနတ်​တွေ​တောင် မချိုး​ဖောက်နိုင်ဘူး"

"အရင်တုန်းက ကျင့်ကြံသူ​တွေရဲ့ နည်းလမ်းဖြစ်မယ့်ပုံပဲ" ယန်ဟုန်က ​ပြောလိုက်၏။

ယန်လိန်ရွယ်မျက်နှာက ​ပြောင်းလဲသွား​ပေသည်။ ​ရှေးစာအုပ်​တွေရဲ့ မှတ်တမ်းအရဆို အတိတ်တုန်းက ဟွာနိုင်ငံတွင် ကျွမ်းကျင်ပညာရှင်တစ်ချို့ရှိခဲ့ဖူး​ပေသည်။ သူတို့​တွေဟာ ​ကောင်းကင်တွင် ပျံသန်းနိုင်သလို ​မြေပြင်တွင်ပါ ငုပ်လျှိုးနိုင်ကြ​ပေသည်။ သူတို့​တွေဟာ သဘာဝတရား၏စွမ်းအားကို ထိန်းချုပ်နိုင်ပြီး ကိုယ်ပိုင်​မှော်အစွမ်းတစ်ချို့ ပိုင်ဆိုင်နိုင်ကြသည်။ သို့​သော်လည်း လွန်ခဲ့သည့်နှစ်​ထောင်​ပေါင်းများစွာကတည်းက သူတို့အားလုံးဟာ ​ပျောက်ကွယ်သွားခဲ့​ပေသည်။ ဒီကမ္ဘာ​ပေါ်မှာ ကျန်​နေခဲ့တာများလား။ ယဲဖန်က သူတို့ပညာရပ်ကို ဘာလို့သိ​နေခဲ့တာလဲ။ ယဲဖန်က သူတို့​တွေရဲ့ အ​မွေဆက်ခံသူများလား။ ဒီလိုသာဆိုရင် သူဟာ တကယ့်ကို ကံ​ကောင်း​ပေသည်။

သူတို့​တွေဟာ အစီအရင်ကို မချိုး​ဖောက်နိုင်မှန်း မြင်​တော့ ယန်ဟုန်က အနည်းငယ်စိုးရိမ်သွား​ခဲ့သည်။ ယဲဖန်က ​ကောင်းကင်ဘုံဂိုဏ်းမှ ကျီဝန်ကို သတ်ခဲ့တာ​ကြောင့် သူသည် ယဲဖန်ကို အထင်မ​သေးရဲ​ပေ။

သူဒီကိုလာရသည့်အ​ကြောင်းအရင်းပထမအချက်ကတော့ ​ဆေးလုံး​တွေ၏ ဆွဲ​ဆောင်မှုကြောင့် ဖြစ်ပြီး ဒုတိယအချက်က​တော့ ယဲဖန်ဟာ သန့်စင်ပြီးရင် အားနည်း​နေမယ်လို့ ထင်တာ​ကြောင့်ပင် ဖြစ်သည်။ သူသည် ယခုအချိန်၌ အစီအရင်ကို မချိုး​ဖောက်နိုင်ခဲ့ဘူးဆိုရင် ယဲဖန် ခွန်အားများ ပြန်လည်ရရှိလာသည့်အခါ အရာအားလုံး ပြီးဆုံးသွားပေလိမ့်မည်။

"သူပြီးပြီလို့​တော့ မထင်ဘူး၊ အစီအရင်တစ်ခုလုံးကို ထိန်းချုပ်​နေတဲ့သူက မုလျန်ဖင်ပဲ ဖြစ်မယ်" ယန်လိန်ရွယ်က ​ပြောလိုက်၏။

ယန်ဟုန်က ​ခေါင်းခါလိုက်ပြီး "မဟုတ်ဘူး၊ အဲ့ဒါက ပိုင်ယွင်ရှီ​နေမှာ"