သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၇၇)

Unicode

မုလျန်ဖင်နှင့် ကျန်းမုန်ကို လိုက်ပို့​ပေးပြီး​နောက် ယဲဖန်သည် ပင်လယ်ပြင်သို့ အကြိမ်​ပေါင်းများစွာ သွား​ရောက်ခဲ့ပြီး ​ရေ​​အောက်ရှိ ကူး​ပြောင်း​ရေးအစီအရင်အ​ခြေအ​နေအ​ကြောင်းအရာကို အကြမ်းဖျင်း နားလည်သ​ဘော​ပေါက်သွားခဲ့သည်။

အ​တွေ့အကြုံများစွာနှင့်အတူ သူတို့​တွေဟာ ကြုံရာ​နေရာများသို့ ကူး​ပြောင်းခြင်း မရှိသ​လောက်နီးပါး ဖြစ်လာခဲ့သည်။

ယဲဖန်သည် ကူး​ပြောင်း​ရေးအစီအရင်ကို အကြမ်းဖျင်း​ရေးဆွဲပြီး​နောက် သူ့​ဘေးတွင် ရပ်​နေ​သော လိပ်နက်က "ဒီအစီအရင်က အရမ်းခမ်းနားတာပဲ"

ယဲဖန်သည် သ​ဘောတူစွာ ​ခေါင်းငြိမ့်လိုက်ပြီး "ဟုတ်တယ်၊ သူ့ရဲ့ဗဟိုချက်ကို​တော့ နားမလည်​သေးဘူး"

ကျင့်ကြံ​ရေးကမ္ဘာတွင် ​ဝေးလံ​သောအရပ်သို့ ကူး​ပြောင်းသည့် အစီအရင်များ ရှိခဲ့​​သော်လည်း ယဲဖန်သည် ဒီလိုမျိုး ရှုပ်​ထွေးသည့်အရာကို​တော့ တစ်ခါမှ မ​တွေ့ဖူးခဲ့​ပေ "ဒီအစီအရင်ကို ဘယ်သူတည်​ဆောက်ထားလဲ​တော့ မသိဘူး၊ သူ့နည်းပညာက​တော့ တကယ့်ကို အံ့သြ​လောက်စရာ​ကောင်းတယ်"

"မင်း​တောင် နားမလည်နိုင်ဘူး​ပေါ့၊ ဒါဆို မင်း ဒါကိုဘယ်လိုပြုပြင်မှာလဲ" လိပ်နက်က သံသယဝင်မိ​လေသည်။

ယဲဖန်သည် ယုံကြည်မှုရှိရှိဖြင့် "ငါလုပ်နိုင်တာ​ပေါ့၊ ဒါက ပြဿနာ​သေး​သေး​လေးပါကွ၊ ဗဟိုချက်က အလုပ်လုပ်​နေတုန်းပဲ​လေ"

လိပ်နက်က သူ့ကို ကြည့်ပြီး "ဒါဆိုလဲ မြန်မြန်လုပ်​လေ၊ ဒီ​နေရာက ငါ့ကို တကယ်ဖျားနာ​စေတယ်ကွ"

ယဲဖန်က သူ့အား စိတ်မရှည်စွာ ကြည့်လိုက်ပြီး "ဟုတ်ပြီ၊ ဟုတ်ပြီ၊ ငါ သိပါပြီ၊ စိတ်​လျော့ထားစမ်းပါကွ"

လိပ်နက်က ဆိုလိုက်၏ "ငါ အကူအညီတစ်ချို့ ရှာထားသင့်တယ် ထင်တယ်၊ မင်းအ​ပေါ်​တော့ အားမကိုးနိုင်ဘူး၊ ငါ အစီအရင်ဆရာသခင်တစ်​ယောက်​လောက်​တော့ ရှာထားရလိမ့်မယ်"

ယဲဖန်က နှာမှုတ်လိုက်ပြီး "ဒီ​နေရာမှာ ငါ့လို ပါရမီရှင်မျိုး ​တွေ့ဖို့က မိုး​ကောင်းကင်ကို ထိ​တွေ့ဖို့ထက် ပိုခက်တယ်ကွ"