သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၃၄)

Unicode

ယဲဖန် ထွက်လာ​တော့ ​ရှောက်ချီကို ဆက်တိုက်အ​နှောင့်အယှက်​ပေး​နေ​သည့် အမျိုးသမီးကို ​တွေ့လိုက်ရ​ပေသည်။

အမျိုးသမီးကြီးက ဖြတ်သန်းသွား​လာနေသည့် လူတိုင်းအား ​ရှောက်ချီသည် တစ်ဖက်လူဆီမှာ ​ငွေလက်ခံခဲ့ပြီး သူမ၏သမီးချွေးမ​လေးကို တစ်ခြားသူက လုယူသွားတာကို ကူညီ​ပေးခဲ့ရ​လောက်အောင် မကြင်နာတတ်တဲ့သူတစ်ဦးဖြစ်​ကြောင်း ​ပြောဆို​နေခဲ့​​ပေသည်။

ပြီး​တော့ သူမ​ချွေးမက သားသမီးဝတ်ဘယ်လို​ကျေပွန်ခဲ့ပြီး သူ့သားနှင့် ​ချွေးမက ဘယ်​လောက်​ကောင်းမွန်​ကြောင်းပါ ​ပြော​နေခဲ့၏။

သူမ​ချွေးမက ချမ်းသာတာ​ကြောင့် သူမလက်ထပ်ခဲ့သည့်လူက သူမပိုက်ဆံများကို လိုချင်​တပ်မက်နေသူတစ်ဦးဖြစ်ကာ ​ရှောက်ချီကလည်း အဲ့ဒီလူလိမ်ကို ပိုက်ဆံ​တွေရလာ​အောင် လူ​တွေကို လှည့်စားရာမှာ ကူညီ​​ပေး​နေခဲ့​​​ကြောင်း၊ သူမ၏သနားစရာ​ကောင်းတဲ့ ​မြေးမ​လေးက သူ့ပ​ထွေးလက်ထဲကျ​ရောက်​တော့မှာ​ကြောင့် သူမ၏အနာဂတ်သည် ဆင်းရဲဒုက္ခ​များဖြင့် ​နေထိုင်သွားရ​ပေ​တော့မည် ဖြစ်​ကြောင်း အစရှိသဖြင့် ​ပြောဆို​နေခဲ့​ပေသည်။

ယဲဖန်သည် ​ဘေးနားတွင် ရပ်​နေပြီး တစ်ခဏမျှနား​ထောင်​နေခဲ့ကာ မျက်လုံးများပါ လှိမ့်သွား​လေသည်။

သူမသားနှင့် ​ချွေးမတို့ မကွာရှင်းခင်တုန်းက​တော့ သူတို့​တွေက ​ချွေးမဖြစ်သူအား ​နေ့တိုင်းနီးပါးကို ပြဿနာရှာ​နေခဲ့​ပေသည်။ အဝတ်ဗီဒိုတစ်လုံးဝယ်ထားပြီးသားကို အပို​တွေထပ်ဝယ်လာခဲ့​ကြောင်း၊ ​အပျက်မလို နေ့တိုင်း ဝတ်​ကောင်းစားလှ​တွေဝတ်စားပြီး ဆံပင်အဝါ​ရောင်​တွေ ဆိုး​ထားကြောင်းတို့ကို ​ပြောဆို​နေခဲ့​​ပေ၏။

လက်ကိုင်အိတ်တစ်လုံးကို ​ထောင်နဲ့ချီ ကုန်ကျခံခဲ့တာ​ကြောင့် မယုံနိုင်စရာ​ကောင်းလှ​​အောင် ​ပြောဆို​ခံခဲ့ရ​သေးပြန်သည်။ သူတို့​ကျေးလက်မှာဆို တစ်​ထောင်တည်းနဲ့ ပစ္စည်း​တွေ ဘယ်​လောက်​တောင် ဝယ်နိုင်​ကြောင်း တစ်​ထောင်တည်းနဲ့ ကြက်ဘယ်နှစ်​ကောင်​​​လောက်​တောင် ​ရောင်းရမလဲဆိုပြီး ​ပြောဆို​နေခဲ့၏။