သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၃၈)

Unicode

မုမိသားစုထဲတွင်

ခြံဝင်းထဲတွင် မတ်တပ်ရပ်​နေ​သော မုရှစ်ယီသည် မုလျန်ဖင်အား ရှုပ်​ထွေး​သော အကြည့်များဖြင့် ကြည့်​နေခဲ့၏။

"လျန်ဖင် မင်းကျင့်ကြံ​ရေးနည်းလမ်းကို ​ပြောင်းလိုက်တာလား"

မုလျန်ဖင်က ​ခေါင်းငြိမ့်လိုက်ပြီး "ဟုတ်တယ်၊ ကျွန်​တော်နဲ့ သင့်​တော်မယ့် ကျင့်ကြံ​ရေးနည်းလမ်းတစ်ခုရလာခဲ့လို့​လေ"

အရင်က ယန်မိသားစုက လူ​တွေ ဒီကို ပြဿနာလာရှာတုန်းက မုမိသားစုဝင်အားလုံးတို့သည် သူတို့အား အတူတကွ တိုက်ခိုက်ခဲ့ကြ​​ပေသည်။ မုလျန်ဖင်ကို တိုက်ခိုက်ခဲ့သူက​တော့ ယန်လိန်ရွယ်ပင် ဖြစ်၏။ ပြီးခဲ့သည့်တစ်​ခေါက်တုန်းက ယန်လိန်ရွယ်သည် မုလျန်ဖင်ကို လာ​ရောက်စိန်​ခေါ်ခဲ့ပြီး သူ့​ခေါင်းကို ​မြေကြီး​ပေါ်သို့ တက်နင်းခံခဲ့ရသည်။ ဒီတစ်​ခေါက်တွင်​တော့ မုလျန်ဖင်က ယန်လိန်ရွယ်ကို ​မြေကြီး​ပေါ်သို့ ရိုက်ချခဲ့​ပေသည်။

ရှုံးနိမ့်သွားခဲ့​သော ယန်လိန်ရွယ်က မုလျန်ဖင်သည် သူ့မိသားစုပိုင်ကျင့်ကြံ​ရေးနည်းလမ်းကို စွန့်ပစ်ပြီး နတ်ဆိုးကျင့်ကြံခြင်းနည်းလမ်းကို ​လေ့ကျင့်ခဲ့သည်ဟု ထုတ်​ဖော်ခဲ့​လေသည်။

ယခု မုလျန်ဖင်ကျင့်ကြံသည့်နည်းလမ်းက သူ့မိသားစု၏နည်းလမ်းနှင့် အ​တော်​လေး ကွဲပြား​နေခဲ့ရာ အငြင်းပွားမှုအများအပြားကို ဖြစ်​ပေါ်​စေခဲ့​ပေသည်။

"ဝမ်းကွဲအကို စိတ်မပူပါနဲ့၊ ကျွန်​တော် မုမိသားစုက​နေ ထွက်သွား​တော့မှာပါ၊ ကျွန်​တော်က မိသားစုကို သိက္ခာကျ​အောင် မလုပ်ပါဘူး၊ ခေါင်း​ဆောင်နဲ့ အကြီးအကဲတို့ကိုလည်း အရှက်ရ​အောင် မလုပ်ပါဘူး" မုလျန်ဖင်က ​ပြောလိုက်၏။

မျက်​မှောင်ကြုတ်ရင်း မုရှစ်ယီက "​ခေါင်း​ဆောင်နဲ့ အကြီးအကဲ​တွေက စာအုပ်သမား​တွေမဟုတ်ပါဘူး၊ သိသိသာသာကို မင်းရဲ့ လက်ရှိကျင့်ကြံ​ရေးနည်းလမ်းက မင်းအတွက် ပိုပြီးသင့်​တော်​နေတဲ့ဟာ၊ သူတို့​တွေ မင်းကို စွန့်ပစ်ဖို့ တွန်းအားမ​ပေး​လောက်ပါဘူး၊ ငါတို့မိသားစု တိုးတက်လာသည်နှင့်အမျှ စိတ်ဝိညာဥ်မီး​တောက်သစ်သီးကို သုံးစွဲဖို့ သင့်တော်တဲ့ လူ​တွေက ပိုပိုပြီး နည်းပါးလာကြပြီ​လေ၊ သင့်​တော်လို့ သုံးစွဲလိုက်တယ်ဆိုတဲ့ တစ်ချို့လူ​တွေတောင် သွက်ချာပါဒဖြစ်ကုန်ကြတာက။ ဖြစ်နိုင်တာက​တော့ ငါတို့တွေအတွက် ဘိုး​ဘေး​တွေချန်ထားခဲ့တဲ့ ကျင့်ကြံ​ရေးနည်းလမ်း​တွေက မသင့်​တော်​တော့ဘူးထင်တယ်"