သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၃၀)

Unicode

မြို့​တော်အစွန်အဖျားရှိ ဗီလာတစ်လုံးတွင်

ရှစ်ယွဲ့က ဟုရှန်းယိကို မ​ကျေမနပ်ဖြင့် ကြည့်လိုက်ပြီး "ငါ နင့်ကို ယဲဖန်ကို ဘာမှ သွားမလုပ်ပါနဲ့လို့ မ​ပြောခဲ့ဘူးလား၊ အခုကျ​တော့ ဘာတုန်း"

ဟုရှန်းယိစိတ်ထဲတွင်လဲ ​နောင်တများ ရ​နေခဲ့ကာ "ဒါ​ပေမဲ့ ညီမ သူ့ကို ဘာမှ မလုပ်ခဲ့ပါဘူး"

သူမက မာနကြီး​တဲ့သူဖြစ်သော်လည်း ​ပြီးခဲ့သည့်တ​ခေါက်တုန်းက တိုက်ခိုက်ပြီး​နောက် သူမက သူအား လုံးဝမယှဥ်ပြိုင်နိုင်​ကြောင်းကို သိ​ခဲ့ပေသည်။

ဒါ​ကြောင့် သူမက ​ရှောက်ချီကို ​ရွေးချယ်ခဲ့၏။

​ရှောက်ချီက ​ရှေး​ဟောင်းစာသားများကို အချိန်အ​တော်ကြာအောင် ဘာသာမပြန်​ပေးခဲ့​ပေ။ ဟုရှန်းယိက ​ရှောက်ချီသည် အလုပ်လုပ်တာ ​နှေး​ကွေးလွန်းတာ​ကြောင့် အချိန်အ​တော်ကြာ​ကတည်းက ​ရှောက်ချီအား မ​ကျေမနပ်ဖြစ်ခဲ့​ရသည်။

ယဲဖန်ဆီက အရိုက်နှက်ခံလိုက်ရပြီး ​ရှောက်ချီနှင့်လည်း ပတ်သတ်မှု ရှိ​နေတာ​ကြောင့် သူမဟာ သူအား ဒုက္ခ​​​​ပေးဖို့ ဆုံးဖြတ်ခဲ့​ပေသည်။ ​သို့​သော်လည်း ရှောက်ချီအိမ်က ဘာမှား​ယွင်းနေမှန်း သူမ မသိခဲ့​ပေ။ သူမသည် ယွဲ့ဟွာမှန်ကို အသက်သွင်းပြီးမကြာခင်မှာပဲ ထူးဆန်းတဲ့ စိတ်ဝိညာဥ်စွမ်းအားတစ်ခုက ၎င်းအား ဝါးမြိုလိုက်တာ​ကြောင့် အပိုင်းပိုင်းအဖြစ် ကွဲသွားခဲ့​ရသည်။

"နင်က ငါ့ရဲယွဲ့ဟွာမှန်ကို ခိုးယူဖို့ ဘယ်လို​တောင် သတ္တိရှိ​နေရတာတုန်း၊ ငါတို့ဆရာကို ငါ ဘယ်လိုမျိုးရှင်းပြလိုက်ရ​​တော့မှာလဲ"

​တောက်​ပြောင်မှု ကင်းမဲ့​နေသည့် မှန်ကို ကြည့်ရင်း ရှစ်ယွဲ့သည် ဟုရှန်းယိကို အရမ်း​ဒေါသထွက်သွားခဲ့​ပေသည်။

ယွဲ့ဟွာမှန်က သူမဆရာလီချင်းရွယ်၏​မှော်လက်နက်တစ်ခု ဖြစ်​လေသည်။ သူမ ဂိုဏ်းက ထွက်လာတော့ လီချင်းရွယ်က ဟုရှန်းယိကို ကာကွယ်​ပေးဖို့ ​တောင်းဆိုခဲ့ပြီး သူမအား ထိုလက်နက်ကို ငှား​ပေးခဲ့သည်။