သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၉၄)

Unicode

တစ်နှစ်ကြာသွားပြီး​နောက်

ပိုင်ယွင်ရှီနှင့် ယဲဖန်တို့သည် ကျွန်းပေါ်တွင် တစ်နှစ်​​ကျော်ကြာ​အောင် ​နေထိုင်ခဲ့​ပေသည်။ တစ်နှစ်ဆိုတာက အ​တော်​လေးကြာ​ညောင်းသည်ဟု ထင်ရ​​သော်လည်း ကျင့်ကြံသူများအတွက်က​တော့ တစ်ခဏ​လေးမျှသာ ဖြစ်​သည်။

ဒီအ​တောအတွင်းတွင် ယဲဖန်ဆိုင်နာမည်​ကျော်ကြားမှုက ကျွန်းတစ်ခုလုံး ပျံ့နှံ့သွားခဲ့သည်။ အကြိမ်တိုင်း ပစ္စည်းအသစ် စင်​ပေါ်တင်လိုက်သည်နှင့် မကြာခင်မှာပဲ ​ရောင်းကုန်သွား​ပေလိမ့်မည် ဖြစ်သည်။

"​ကောင်းပြီ၊ ​ရေခဲGanoderma Lucidum​သန့်စင်ဖို့အတွက် ကျန်တဲ့​ဆေးပင်​တွေအားလုံးနီးပါးစု​ဆောင်ပြီးသွားပြီ၊ ငါ အခုပဲ သန့်စင်လိုက်​တော့မယ်" ယဲဖန်က ​ပြောလိုက်သည်။

ပိုင်ယွင်ရှီသည် ​ခေါင်းငြိမ့်ပြလိုက်ပြီး "​ကောင်းပြီလေ"

ယဲဖန်သည် ​အနှစ်သုံးရာသက်တမ်းရှိသည့် ရေခဲGanoderma Lucidum​ ရရှိထားသည်မှာ ကြာလှ​နေပြီဖြစ်ရာ ​နောက်ဆုံး၌ သူက စတင်သန့်စင်ရန် ဆုံးဖြတ်ချက်ချလိုက်​တော့သည်။

"အနှစ်သုံးရာသက်တမ်းရှိတဲ့ ​ရေခဲGanoderma Lucidum​ပဲ၊ တကယ့်ကို ပစ္စည်းကောင်း​လေး၊ ​ရွှေအမြု​တေအဆင့်ကျင့်ကြံသူတွေ​တောင် စိတ်ဝင်စားကြမှာ" ယဲဖန်က ​ပြောလိုက်၏။

ပိုင်ယွင်ရှီက ​ခေါင်းငြိမ့်ပြလိုက်ပြီး "မင်းကိုယ်ပိုင်စွမ်းရည်ကို မင်းနားလည်သွားပြီ​ပေါ့"

ထို့​နောက် ယဲဖန်သည် ​ခေါင်း​​လေး ငြိမ့်ကာ ဆက်​ပြောလိုက်သည် "ဟုတ်တာ​ပေါ့၊ ငါက စွမ်းဆောင်မှုအရှိဆုံး လူတစ်​ယောက်ပဲ​လေ"

ပိုင်ယွင်ရှီ "....."

.......

ယဲဖန်သည် အပြင်ဘက်၌ 'ဆိုင်ပိတ်သည်' ဆိုသည့် စာအား ချိတ်ဆွဲလိုက်​လေသည်။

"အဂ္ဂိရတ်ဆရာယဲ မင်းဆိုင်က မဖွင့်ဘူးလား" လီယွဲ့က ​ရောက်လာပြီး ​မေးလိုက်သည်။

ယဲဖန်​ဒေါသက တခြားအဂ္ဂိရတ်ဆရာများနှင့် ယှဥ်လျှင် အများကြီးနူးညံ့​ပျော့​ပျောင်းတာ​ကြောင့် ကျွန်း​ပေါ်တွင် သူက အ​တော်​လေး နာမည်ကြီး​ပေသည်။