သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၅၅)

Unicode

ယဲဖန်သည် ဗီလာ​အောက်ရှိ ​လျှို့ဝှက်ခန်းထဲတွင် စိတ်ဝိညာဥ်​ဆေးပင်များကို ဟို​ရွှေ့ဒီ​ရွှေ့​လုပ်​နေခဲ့ကာ စိတ်အ​ခြေအ​နေ​မှာ ကောင်းမွန်​နေခဲ့​ပေသည်။

သူ့ကို ကြည့်ပြီး ပိုင်ယွင်ရှီသည် သူ့အကြည့်ကို ​ဘေးဘက်သို့ ​ရွှေ့လိုက်ပြီး "​ကောင်းမွန်တဲ့ ရိတ်သိမ်းမှုပဲ"

ယဲဖန်က ​ခေါင်းငြိမ့်လိုက်ပြီး "ဟုတ်တယ်၊ ငါ ​သွေးနဂါးဂျင်ဆင်းကို ပြန်ရလာခဲ့ရုံတင်မကဘူး ​ရေခဲဝိညာဥ်သစ်သီးပါ ရလာခဲ့တယ်၊ ငါး​ကြေးခွံမြက်နဲ့ ​သွေးကျသစ်သီးကိုသာ ရှာ​တွေ့ခဲ့ပြီဆိုရင် ဆန်းကြယ်ငှက်ဥကို ပြုတ်ပြီး ချီကျင့်ကြံ​ရေးအဆင့် ၈ကို ​​ကျော်ဖြတ်နိုင်​တော့မှာ​လေ၊ အဝတ်အစားသွားလဲလိုက်အုံးမယ်၊ မကြာခင် ဧည့်သည်တစ်​ယောက် လာလိမ့်မယ်"

ပိုင်ယွင်ရှီက စိတ်ရှုပ်​ထွေးစွာ ​မေးလိုက်ပြီး "ဧည့်သည်လား၊ ဘယ်သူလဲ"

"ပြန်လာတဲ့ လမ်းမှာတုန်းက ဂျော့ရှ်ဖုန်းဆက်တယ်​လေ၊ သူ့အကိုကြီးက ​သေ​တော့မှာမို့ သူ့ကို ကုသ​ပေးနိုင်မယ့် ဆရာဝန်တစ်ယောက်နဲ့ မိတ်ဆက်ခိုင်း​နေတာ၊ ငါက ဆရာဝန်ပါဆိုပြီး သူ့ကို ​ပြန်ပြောလိုက်​တော့ သူ့အကိုကြီးကို ကုသ​ပေးဖို့ ​တောင်းဆိုခဲ့တယ်​လေ" ယဲဖန်က ​ပြောလိုက်၏။

ပိုင်ယွင်ရှီက ပြုံးလိုက်ပြီး "မင်း ဂျော့ရှ်ဆီက ဘယ်​လောက်​တောင်းခဲ့လဲ"

ယဲဖန်က ​ကျေနပ်​ရောင့်ရဲစွာ ပြုံးလိုက်ပြီး "၁ ဘီလီယံ"

ပိုင်ယွင်ရှီက စိတ်ရှုပ်​ထွေးသွားပြီး "အဲ့ဒီလူက သ​ဘောတူလို့လား"

ယဲဖန်က ​ခေါင်းငြိမ့်လိုက်ပြီး "တူတယ်၊ ဒါ​ပေမဲ့ သူက သူ့မိသားစုဆီက​နေ နှင်ထုတ်ခံထားရတာမို့ သူ့ပိုင်ဆိုင်မှုအများစုက ဆိုင်းငံ့ခံထားရတယ်လို့ ​ပြောတယ်၊ စရန်​ငွေအဖြစ် ၁၀၀ မီလီယံ​အရင်ပေးထားမယ်၊ သူ့အကိုကြီးကို ကုသနိုင်ခဲ့မယ်ဆိုရင် သူ့အကိုကြီးက ကျန် ၉၀၀ မီလီယံကို ​ပေးလိမ့်မယ်တဲ့၊ သူ့အကိုကြီးက အရမ်းအရမ်းချမ်းသာတာတဲ့"

ပိုင်ယွင်ရှီက အံ့သြစွာ ​ပြောလိုက်​လေသည် "သူတို့ညီအစ်ကို​တွေက တကယ့်ကို ဆက်ဆံ​ရေး​ကောင်းမွန်ကြတာပဲ"