သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၁၈၈)

Unicode

စား​သောက်ဆိုင်ထဲတွင်

"အ​ခြေတည်အဆင့်လား၊ ဒီ​ကောင်က အ​ခြေတည်အဆင့် တက်​နေတာလား" ဖျင်ဖန်ဆိုင်ကို ကြည့်ရင်း မာ​ရွေ့သည် စိတ်ပျက်​နေ​သောမျက်နှာထားအား ချိတ်ဆွဲထား​လေသည်။

ထျန်းကန်ဂိုဏ်းထဲတွင် ပြိုင်ဆိုင်မှုများက ပြင်းထန်ကြ​ပေသည်။ ဒုတိယမျိုးဆက် တပည့်​တွေကြားထဲတွင် မာ​ရွေ့ဟာ နာမည်ဂုဏ်သတင်းအလွန်ဆိုးရွား​ပေသည်။ အတွင်းစည်းတပည့်များက သူ့ကို မကြိုက်ကြ​ပေမဲ့ သူ့ဘိုး​ဘေး​ကြောင့်သာ သူ့အား ဘယ်သူမှမ​စော်ကားရဲကြ​ပေ။

မာယွမ်ဖင် ဒဏ်ရာရပြီး​တော့ တံခါးပိတ်ကျင့်ကြံခဲ့​ရာ မာ​ရွေ့သည် ဂိုဏ်းထဲတွင် ခက်ခဲ​သော အချိန်များ ပိုင်ဆိုင်​နေရတာ​ကြောင့် ဖုန်စူစူက အစင်း၇​ကြောင်းပါ ​ရွှေငါးအတွက် ဆု​ကြေး​ပေးမယ်လို့​ဆို​သော​ကြောင့် ထွက်လာခဲ့ခြင်ပင်ဖြစ်သည်။

​လော့ရှားမြို့သို့ ​ရောက်လာ​သောအခါ အမျိုးသမီးကျင့်ကြံသူများက သူဟာ ဂိုဏ်းကြီးတစ်ခုက​နေ လာပြီး ​ရွှေအမြု​တေအဆင့် ဘိုး​ဘေးတစ်​ယောက်ရှိမှန်း သိထားတာ​ကြောင့် သူတို့​တွေအားလုံးက သူ့ဆီက​နေ စုပ်ယူဖို့ ကြိုးစားခဲ့ကြ​ပေသည်။

မာ​ရွေ့သည် သူတို့၏ချိုမြိန်​သော စကားလုံးများ​အောက်တွင် ​ပျော်ရွှင်​နေခဲ့ရာ ဂိုဏ်းထဲရှိ စိတ်ဓါတ်ကျမှုများပါ ​ပျောက်ကွယ်သွားခဲ့သည်။ ဖုန်စူစူလိုအပ်သည့် ​ရွှေငါးကို ရရှိနိုင်ဖို့ သူသည် ပင်လယ်ထဲသွားဖို့ လူအ​​မြောက်အများကို စုဆောင်းရာတွင် ​ငွေအ​မြောက်အများသုံးစွဲခဲ့​ပေမဲ့ ဘာမှဖြစ်မလာခဲ့​ပေ။ စိတ်ဝိညာဥ်​ကျောက်တုံးများသာ အလဟဿကုန်ဆုံးသွားခဲ့ရသည်။

မာ​ရွေ့သည် အနည်းငယ် စိုးရိမ်လာခဲ့​သည်။ ထိုအချိန်တွင် သူ့အား တစ်​စုံတစ်​ယောက်က ဖျင်ဖန်ဆိုင်တွင် အဆိပ်​​ဖြေ​ဆေး​ဖော်စပ်နည်းတစ်ခုကို ဝယ်ယူပြီး ဂိုဏ်းထဲမှာ ပြန်လည်​ရောင်းချရန် အကြံ​ပေးခဲ့သည်။

သူသည် ၎င်းက အဆင်​ပြေ​​ကြောင်း ​တွေးမိသွားခဲ့​ပြီး ဖျင်ဖန်ဆိုင်ထဲ​ရောက်သွားတော့ သူသည် ဆုံးရှုံးမှုကြီးတစ်ခုကို ခံစားလိုက်ရသည်။ ပိုင်ယွင်ရှီနှင့် ယဲဖန်က သူ့အား မျက်နှာသာလုံးဝမ​ပေးခဲ့ကြ​ပေ။