كلي بكلك مغرم 🩶⛓️

كلي بكلك مغرم من 330 الى 340

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة331:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

عمت لحظة صمت على الجميع بعد الخبر الصادم لي تلقاوه غيبوبة و الله اعلم وقتاش تفيق و مانعرف واش حرفيا كلام الطبيب خلالهم صدمة نفسية بكمتهم كانو مستنيين منو يقوللهم كملنا العملية و نجحت و راح تفيق بعد ساعات مور ما يزوول تأثير البنج بصح كل الكلام لي قالو كان عكس واش توقعوو ولا واش كانو متمنيين يصراا ..

هند من كثرة الفشلة لي حكمتها راحت قعدت على الكرسي و حطت راسها بين يديها تبكي بصمت اما همام بقا واقف فنفس مكانو ماتحركش كأنو كان يستوعب و يحاول يدخل الفكرة لراسو بصح ماقدرش اديب حارتلو وين يروح يا يرووح يسكت هند ولا يوقف مع همام لي بدورو كان تحرك و خرج لبرا و لتم راح تبعو باش مايغفلش عليه و هو فهاذ الحالة ..

غير عتب الباب لبرا خدا نفس طويل و استنشق الاكسجين لي كان حابسو داخلو بقا يتنفس بزربة يحاول يبلع صدمتو و يتقبلها بصح ماقدرش حط يديه على عينيه قبلما يخونوه دموعو و يطيحو و نطق بهمس بعدما حس بأديب واقف موراه..

همام:خليني وحدي ..

اديب:همام ب..

قاطعو فوسط كلامو كي دارو اشارة بيدو باش يسكت ماخلاهش يكمل يعبرلو على اعتراضو من كثرة ماكان حاس بضغط مش طبييعي عليه كان حاب غير يبعد و يبقى وحدو يتخلوا مع راسو باش يقدر يفهم واش راهو صاري معاه و كيفاش و وقتاش لحق يصرا كامل هذاا  خدا نفس استجمع بيه شتات نفسو و عاود نطق بإصرار بصوت عالي !!..

همام:قتتتلك روووح و خلييينييي!! "كان رايح عاود رجع ليه وهو مادلو يدو باش يعطيه مفاتح الطونوبيل تاعو" اعطيني مفاتح طونوبيل تاعك!..

اديب:ولله ماراااك ساايقهااا كااان تنطبق السماااا على الارض مارااح تديهاااا..

همام:استغفر الله ياربي اللهم الصبر ارواح حلهالي و عاود اغلقها ادي المفتاح معاك..

اديب:ماشي لازم تبقا وحدك همام هاني معاك علاباالك بلي مراكش وحدك!!..

همام:علابالي بصح دير واش قتلك اديب !..

حركلو راسو بالايجاب و تمشى هو قبلو راح فتحلو الطونوبيل و دا معاه المفتاح ماعندووش ثقة فيه فهاذ الموضوع قادر يديها و يروح و هو مهوش حابو يتحرك من هنا وهو بهاذ الحالة بسيف باش كان واقف راسو مهوش قادر يرفدو من كثرة الوجع لي كان حاكمو من ساسو لراسو اذا ساق الطونوبيل وهو هاكا و زيد بالصدمة الاخيرة لي سمعها يرجعوه لهنا فالتابوت مراحش يرجعوه عايش مافيهاش شك...

بقا يشوف فيه من بعيد رغم انو الزجاج كان فيمي مايبانلوش بصح ماقدرش يخليه وحدو كان حاب يولي ليه فالاخير قرر يخليلو فرصة يرتاح فيها راح باش يطمن على هند لقاها مزالت كيما خلاها غير كتافها لي يتهزو بقوة بسبب شهقاتها المسموعة تنهد بقلة حيلة و قرب ليها قعد قدامها و لف يدو على كتافها دخلها فحضنو مخليها تبكي براحتها عندو تقريبا حتى فاتت نص ساعة باش رفدت راسها كي حست بالصدااع فيه من كثرة مابكات نحالها نقابها بعدما غطاها بجسمو باش تقدر تتنفس و نطق وهو يحاول يصبر فيها ..