كلي بكلك مغرم 🩶⛓️

كلي بكلك مغرم من 320 الى 330

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة321:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

صبااحا و في جهة اخرى عند ريام لي كانت فالجنينة مع فهد رافداتو بين يديها تتمشى بيه وهي تحكي معاه كي عادتها وهو مشاركها حوارها بأصواتو و مناقشاتو معاها كأنو كان يفهمها واش تقول وحتى هي تفهمو كي يجاوبها بحروف ماعندهمش معنى كان كاين بيناتهم ارتبااط قوي اكثر من علاقة الام و وليدها كانت دايراتو حاجة بزااف سبيسيال في حياتها ..

لأنو جاها في فترة كانت محتاجتو فيها و كان بمثابة الفرج لعلاقتها بهمام يعني تقدر تقول انو هو كان السبب فتشبتهم ببعض كان وسيط بينهاا و بينو باش يزيدو يتعرفو على بعض يعني كان عندو فضل كبير عليهم بين زوج علابيها كي هي كي هماام جايين قراب ليه بزاف لأنو على غرااار علاقة ريام بفهد حتى همام علاقتو بيه ماتقلش عليهم هما حتى هو كان قريب ليه لدرجة كبييرة و بالنسبة لهماام فهد راهو الوريث تاعو حااكم منصبو فالمستقبل يعني رااهو شي حاجة كبيرة و بزااف في نظروو  ..

تلفتت للور على صوت خطواتو و تبسمتلو بحب قربت ليه باستو على خدو كتحية صبااحية ليه و بعدت منو بعدما شد عليها فهد و عنقو مكمل حديثو معاها وهو مرتاح بالصبااح لي انعم بيه و يحمد ربي عليه صباح و عشيةةة ..

همام:صباح الخيير..وقتاش نضتو ..

ريام:سي وليدك نوضني على ستة تاع صبااح جيعااان قاالك مانعاودش نرقد حتى نشرب حلييبي مالا ماحبيتش نوضك رحت رضعتو فالبيت لوخراا ..

همام:من صغرو مكافح ماشااء الله ينووض بكرييي و مناا ملييح الفهد تاعي كمل هاكا لازم تكون كيما باباك يااك..

ريام:ههه نتا كمل رقاادك و انا خليه ينوضني مع الصبااح ..

همام:مليحة لييك ..قوليلي لبارح قتيلي تروحي لعند ختك؟..

ريام:امم نروح نشوفهاا و نولي لدار..

همام:نوصلك دوكا؟..

ريام:مزاال الحال تكون مزال ماناضت اصلا خُبيب مهوش يخليهم يرقدو مساكن ههه..

همام:بيدما نوصلو يكون جاز الوقت ابقاي لتم و كي نولي من الخدمة نرجعك..

ريام:اممم خلاص مالا شد فهد عندك نروح نوجد روحي و نجي ..

طلعت تجري بدلت حوايجها و رتبت غرفتها بنفسهاا لأنو ماتخليش الخدامات يدخلو لبيتها فهي كانت متكلفة بتنظيفها وحدها كملت نظمت كلشي و رجعت كل حاجة لبلاصتها وجدت الصاك تاع فهد لكل مايحتاجو و لبست حجابها دارت نقابها و خرجت بعدما حضرت روحهاا هبطت ليه لقاتو يستنا فيها فالطونوبيل كان حط فهد في كرسيه ملور و من كثرة ماستناوها بزاف رقد غير شافت تخنزيرتو ليها تبسمتلو بتبهليل باش تطلف الجو و نطقت بزربة وهي تحكي بهمس باش ماينوضش فهد من صواتهم ..