အရေးပါတဲ့ ပုဂ္ဂိုလ်တွေရဲ့ ဖူးဖူးမှုတ်ခံရသူလေး။

Part 141

Chapter 141: မွေးစားခြင်းနှင့်ပတ်သက်သော အမှန်တရား

ယွီဝမ်သည် တီးတိုးပြောရင်းဖြင့် သူမ၏မျက်နှာပေါ်၌ ခံရခက်သွားသောအပြုံးတစ်ခု ပေါ်လာခဲ့သည်။ "ဒါဆို ဒီလိုမျိုးပေါ့။ အစ်ကိုကြီး၊ အစ်ကိုလတ်နဲ့ ကျန်တဲ့သူတွေအားလုံးက ညီမကိုညီမအရင်းတစ်ယောက်အနေနဲ့ သဘောထားလို့ တောင်းဆိုသမျှအားလုံး လိုက်လျောပေးတယ်လို့ ညီမအမြဲထင်နေခဲ့တာ။ ကြောင်တစ်ကောင် ဒါမှမဟုတ် ခွေးတစ်ကောင်ကို ဆက်ဆံသလိုမျိုး ဖြစ်နေလိမ့်မယ်လို့ မထင်ထားဘူး..."

ကြီးမားသည့်ရိုက်ချက်အား ခံလိုက်ရသော သူမ၏မျက်နှာအမူအရာမှာ အနည်းငယ်သနားစရာကောင်းသော်လည်း ယွီဝမ်သည် လုံးဝစိတ်ထိခိုက်မသွားခဲ့ပေ။ ယွီဝမ်ဘာလုပ်ခဲ့သည်ကို သိပြီးနောက် လူတစ်ယောက်သည် မည်မျှပင်သူတော်ကောင်းဖြစ်စေကာမူ သူတို့သည် သူမအားမသနားတော့ပေ။

သူသည်ပြောခဲ့သည်။ "ယွီဝမ်၊ ယောင်ယောင် ပြန်လာကတည်းက ဆွေမျိူးအရင်းအချာတွေ ဘယ်လိုဆက်ဆံကြလဲဆိုတာ ငါသတိပြုမိခဲ့တယ်။ နင်အမြဲတမ်းလိမ္မာပြီး သိတတ်နေရင် ငါတို့သာမန်ဆွေမျိုးတွေလိုမျိုး ဆက်ဆံနိုင်မယ်ဆိုပေမယ့် နင်လုပ်ခဲ့တာတွေက င့ါကိုရွံစေခဲ့တယ်"

ထိုသို့ပြောပြီး ယွီဟုန်သည် ယွီဟုန်အား လှည့်ကြည့်လိုက်သည်။ "အဖေ ကျွန်တော့်ကို ဘာလို့နေစေချင်လဲမသိပေမယ့် ကျွန်တော့်အမြင်ကိုပြောပါမယ်။ ဘယ်လိုပဲဖြစ်ဖြစ် ကျွန်တော်ယွီဝမ်ကို ယွီမိသားစုထဲ နေခွင့်မပေးနိုင်ဘူး။ သူ့ကိုမောင်းထုတ်တာအပြင် အဖေသူ့ကို လုပ်မယ့်အရာတွေအတွက် ကျွန်တော်ဘာမှဝင်မပြောပါဘူး"

ယွီဝမ်သည် ထိတ်လန့်သွားကာ ယွီဟုန်အား အသနားခံကာ ကြည့်လိုက်သည်။ "ဖေဖေ၊ သမီးရဲ့စကားတွေကို နားထောင်ပါဦး။ သမီးစိတ်ရှိတိုင်း ဒါတွေကိုလုပ်တာမဟုတ်ဘူး။ တစ်လျှောက်လုံး ဖိအားပေးခံရတာကြောင့်ပါ"

ယွီဟုန်သည် ဘေးတွင်ရှိသော ဗီဒိုနိမ့်၏ အံဆွဲမှ ဖိုင်တွဲအထပ်လိုက်အား ထုတ်ယူလိုက်သည်။ သူသည် ထိုအရာများအား လှန်လှောရင်းပြောလိုက်သည်။ "ယွီဝမ်၊ နင်က ပြစ်မှုကျူးလွန်တဲ့အဖွဲ့အစည်းနဲ့ အရင်ဆက်သွယ်လိမ့်မှာမဟုတ်ဘူးလို့ ငါယုံခဲ့တယ်။ ယွီလန်နဲ့အခြားသူတွေလည်း အရမ်းကိုရှင်းရှင်းလင်းလင်း စုံစမ်းခဲ့ပြီးပြီ။ သူတို့ကိုနင်ဆက်သွယ်ခဲ့တဲ့ ပထမဆုံးအကြိမ်က နင်အသက်ဆယ့်သုံးနှစ်မတိုင်ခင်ကပဲ။ နင်ဘယ်လောက်ပဲဆိုရှယ်ကျကျ ဒီလောက်ငယ်ငယ်ရွယ်ရွယ်နဲ့ နင်ပြစ်မှုတွေနဲ့ ထိတွေ့နေလိမ့်မယ်ဆိုတာ မယုံဘူး"