အရေးပါတဲ့ ပုဂ္ဂိုလ်တွေရဲ့ ဖူးဖူးမှုတ်ခံရသူလေး။

Part 90

90 01

Chapter 90: ကမ္ဘာ၏ အထွတ်အထိပ်

ပရိုဂရမ်ရေးဆွဲသူများအတွက် ဤဖိုရမ်မှာ သေးငယ်၍ လူများများမရှိသော်လည်း ၎င်းတွင်အလွန်ညံ့ဖျင်းလှသော "ကမ္ဘာ၏အထွတ်အထိပ်" ဟူသည့်နာမည်ရှိနေခဲ့သည်။

ဤဖိုရမ်အား ဖန်တီးသူများ၏ ကမ္ဘာကြီးအား‌ လေ့လာလေ့ရှိခဲ့သော စိတ်ဆတ်သည့်သဘောထားမှာ မည်သည်ဖြစ်သည်ကို ယွီယောင် စိတ်ကူးကြည့်နိုင်သည်။

အစပိုင်းတွင် ခဏဝင်ရောက်ကြည့်ရှုသူအနေနှင့် ယွီယောင်သည်ဖိုရမ်ပေါ်မှ ပို့စ်အမျိုးအစားအားလုံးအား ရှာဖွေကြည့်နိုင်ခဲ့သည်။

သို့သော် သူမသည်ပို့စ်တစ်ခုအား အာရုံစိုက်မိကာ ဆွေးနွေးပွဲ၌ ပါဝင်ချင်သောအခါ သူမသည်မှတ်ချက်ဝင်မရေးနိုင်ကြောင်း သတိထားမိခဲ့သည်။ သူမသည် အခြားသူများ၏ပို့စ်နှင့် ဖိုကမ်ပေါ်မှပို့စ်များအား လွတ်လပ်စွာ စာမပြန်နိုင်ခင်တွင် တရားဝင်အဖွဲ့ဝင်အဖြစ် စာရင်းသွင်းရမည်ဖြစ်သည်။

ဤဖိုရမ်၏ စာရင်းသွင်းပြီးသား အဖွဲ့ဝင်ဖြစ်လာခြင်းမှာ မလွယ်ကူခဲ့ပေ။ ယွီယောင်သည် ဖိုရမ်၏ဖန်တီးသူဆယ်ယောက်မှ တင်ထားသော မေးခွန်းများအား ဖြေရှင်းရန်လိုအပ်နေခဲ့သည်။

ထိုမေးခွန်းအမျိုးအစားအားလုံးမှာ ထူးဆန်းနေခဲ့သည်။ အချို့မှာ တိကျသော ကုဒ်တစ်ခုအား ပိုမိုကောင်းမွန်အောင် ပြုလုပ်ရန်အတွက်ဖြစ်ကာ အခြားမှာ ပရိုဂရမ်အသစ်အား ချက်ချင်းဖန်တီးရန်အတွက်ဖြစ်သည်။ ဤသည်မှာ သာမန်ပရိုဂရမ်ရေးဆွဲသူများအတွက် အတော်ခက်ခဲသော်လည်း ယွီယောင်ကဲ့သို့သော ကွန်ပျူတာနတ်ဘုရားမအတွက် ၎င်းမှာလွယ်ကူနေခဲ့သည်။

ဤမေးခွန်းများမှာ ယွီယောင်အတွက် မခက်ခဲသော်လည်း ၎င်းတို့မှာခက်ခဲလွန်းသောကြောင့် ဤဖိုရမ်ပေါ်တရားဝင် စာရင်းသွင်းရန် နေ့တစ်ဝက်ကုန်ခဲ့သည်။ သူမတရားဝင်အဖွဲ့ဝင်ဖြစ်လာသည့်အချိန်မှစ၍ အခြားအဖွဲ့ဝင်များသည် စနစ်မှသတိပေးချက် လက်ခံရရှိခဲ့ပုံရသည်။ ခေါင်းဆောင်မှာ အသစ်ရောက်လာသောသူများအား ကြိုဆိုသောစာတန်းအား ပို့စ်တင်ခဲ့ကာ အဖွဲ့ဝင်များအားလုံးသည်လည်း ထိုစာတန်းထဲ ဂုဏ်ပြုပေးခဲ့ကြသည်။