အရေးပါတဲ့ ပုဂ္ဂိုလ်တွေရဲ့ ဖူးဖူးမှုတ်ခံရသူလေး။

Part 26

Unicode

Chapter 26: စိတ်အနှောင့်အယှက်ဖြစ်စေသော အစ်ကိုလတ်

ယွီယောင်သည် ရှောင်းလျန်၏ကမ်းလှမ်းချက်အား ငြင်းဆန်ရသည့် အကြောင်းအရင်းမှာ ရိုးရှင်းသည်။ သူသည် ငွေကြေးချို့ယွင်းနေခြင်း မဟုတ်သောကြောင့် ဤကဲ့သို့ ထင်ရှားသော လာဘ်ထိုးမှုအား သူမ လက်ခံစရာမလိုပေ။

ရှောင်းလျန်၏လစာသည် အရမ်းမများသည်မှာ ဖြစ်နိုင်သည်။ ယွီယောင်၏အရင်ဘဝတွင် ချမ်းသာသော အမွေဆက်ခံသူတစ်ဦး၏ အစားအစာနှင့် အရုပ်များသည် သန်းနှင့်ချီသည့်တန်ဖိုးရှိခဲ့သည်။ ရှောင်းလျန်အတွက် တော်ဝင်မျိုးနွယ်ကြောင်၏ အညစ်အကြေး သန့်ရှင်းသူအား လစာမြင့်မြင့်နှင့် ခန့်အပ်သည်မှာ ကျိုးကြောင်းဆီလျော်ပါသည်။

အလုပ်လုပ်ရန် သူ၏ကမ်းလှမ်းချက်အား ငြင်းဆန်ပြီးသည့်နောက် ယွီယောင်သည် အချိန်ပိုင်း အလုပ်လုပ်ခြင်းနှင့် ပတ်သက်၍ အခြားသောအချက်အလက်များအား ဂရုမစိုက်တော့ပေ။

ယခင်က သူမ၏ပျက်ကွက်ခွင့်အား ဖျက်သိမ်းရန်တက္ကသိုလ်သို့ သွားသောအခါ သူမသည် ပတ်ဝန်းကျင်ဆိုင်ရာ အင်ဂျင်နီယာအထူးပြုအတန်းအား တက်ရောက်ခဲ့သည်။ ထို့နောက်‌ သူမသည် အခြား‌မေဂျာတစ်ခုသို့ ပြောင်းရွှေ့ရန် ဆုံးဖြတ်ချက်ချခဲ့သည်။ မကြာသေးမီကပင် သူမသည် တက္ကသိုလ်မှအခြားမေဂျာများ၏အချက်အလက်များ ရရှိခဲ့ကာ လက်ရှိ၌ ယင်းတို့ကို လေ့လာနေသည်။ သူမသည် သူမ၏ယခင်ဘဝက လုပ်ခဲ့ဖူးသည့်အတိုင်း တူညီသောမေဂျာအား ရွေးချယ်၍ အနာဂတ်တွင် တူညီသောအလုပ် လုပ်ကိုင်ရန်အနည်းငယ်တွေဝေနေခဲ့သည်။

သက်ဆိုင်ရာဌာနများမှ ပါမောက္ခများသည် သူမလောက် မတော်ပေ။ သူမသည် သူတို့ဆီမှ အသုံးဝင်မည့်အရာအား သင်ယူနိုင်လိမ့်မည် မဟုတ်သော်လည်း သူမသည် သူမရွေးချယ်နိုင်သော အခြားမေဂျာအား မစဉ်းစားနိုင်ခဲ့ချေ။

သူမအတွက် မေဂျာပြောင်းရန် အလျင်မလိုချေ။ အတန်းမပြီးဆုံးခင် ဆုံးဖြတ်ချက်ချရန် နောက်ကျလွန်းမည် မဟုတ်ပေ။

ယွီယောင်သည် ယွီလန်အရင်ကတည်းက သူမအားပေးထားခဲ့သော တိုက်ခန်းအသစ်ဆီသို့ ပြောင်းရွှေ့လာခဲ့သည်။ သူမသည် တည်နေရာနှင့် အိမ်ပတ်ဝန်းကျင်နှင့်ပတ်သက်၍ သိပ်မရွေးချယ်ပေ။ သူမအား စိတ်‌မပျော်အောင်လုပ်သည့် တစ်ခုတည်းသောအရာမှာ ယွီလန်၊ ယွီဟန်နှင့် ယွီကျွယ်အားလုံး ဤအိမ်ခြံ‌မြေသို့ ပြောင်းရွှေ့လာကာ သူတို့၏တိုက်ခန်းမှာ သူမနှင့်တိုက်တစ်ခုတည်းပင် ဖြစ်သည်။