ချစ်နတ်ဆိုးလေး ထွက်ပေါ်လာ {မိခင်ဘာသာသို့ ပြန်ဆို}

(၆၆)

Unicode

ဖုရှောင်ယွီ၏ အသက်ရှူသံ ပြင်းပြင်းနှင့်အတူ သူ၏ မျက်နှာကလည်း ရိုက်ခတ်လာသည့် ရေငွေ့များကြောင့် နီမြန်းလို့လာပြီး နဖူးထက်ရှိ ဆံစဝယ် ရေစက်တို့က တွဲလဲခိုနေသည်။

" အွန်း "

ခပ်ဖျော့ဖျော့နှင့် တိုးလျလှသည့် "အွန်း" သံက ရွှီကျားလဲ့ကို အထူးပင် စိတ်လှုပ်ရှားစေ၏။

" ဘာ အွန်း ? "

သူသည် လေသံကို တမင်တကာ မြှင့်လိုက်ပြီး ထပ်မေးသည်။

" ကျွန်တော် ပြောတာ .. "

ဖုရှောင်ယွီသည် ပထမတွင် သူ ဆိုလိုသည်ကို ရွှီကျားလဲ့ နားမလည်ဘူးဟု အထင်ရှိလိုက်သည်။ ထို့ကြောင့်ပင် ခေါင်းကို မော့လိုက်ပြီး ခပ်တိုးတိုးလေး ထပ်ပြောလိုက်၏။

" ကောင်းပြီလို့ "

ရွှီကျားလဲ့မှာ မရယ်ဘဲ မနေနိုင်တော့။ သူသည် အိုမီဂါ၏ မေးစေ့ကို ပင့်မ လိုက်ပြီး ကြောင်မျက်လုံးကဲ့သို့ ဝိုင်းစက်စက် မျက်ဝန်းတွေကို သူ့ဆီ တည့်တည့် ကြည့်စေလိုက်ကာ

" ဖုရှောင်ယွီ၊ မင်းက အရမ်းကို လိမ္မာနေတယ်ပေါ့လေ၊ ကိုယ် လုပ်ချင်တာကို လုပ်ခွင့်ပေးမယ်ပေါ့၊ ဟုတ်လား "

" … "

ရွှီကျားလဲ့၊ ခင်ဗျားက စိတ်ရှုပ်စရာ ကောင်းလိုက်တာ။

သူ၏ ကြောက်ရွံ့မှုကို ဖုံးကွယ်ရန်အတွက် ဖုရှောင်ယွီသည်​ ရွှီကျားလဲ့၏ လည်ပင်းကို ဦးစွာ သိုင်းဖတ်လိုက်ပြီး အယ်လ်ဖာ၏ မေးစေ့ကို အသာအယာ ကိုက်ခဲလိုက်၏။

ရေချိုးကန်က အနည်းငယ် ကျဉ်းနေသည်။

ဖုရှောင်ယွီ၏ ရေချိုးကန်မှာ သူ့ အိမ်ကလောက် မကျယ်သော်ငြား ရွှီကျားလဲ့ကမူ အနေတော်လောက်ပဲဟု ထင်မိသည်။

သူသည် ဖုရှောင်ယွီ၏ ခြေထောက်နှစ်ဖက်ကို ခြေကျင်းဝတ်မှနေ၍ ဆွဲကိုင်မြှောက်လိုက်ပြီး ရေချိုးကန် အစွန်း တဖက်တချက်တွင် တင်ထားလိုက်ကာ သူကမူ ခြေနှစ်ချောင်းကြား ဝင်ထိုင်လိုက်၏။

" အာ့ "

ရုတ်တရက်ဆိုသလို ဖုရှောင်ယွီဆီမှ အာမေဋိတ်သံ ခပ်တိုးတိုး ထွက်လာသည်​။ ရေချိုးကန်ထဲရှိ ရေအမြင့်သည် စင်တီမီတာ အနည်းငယ်မျှ မြင့်တက်လာသည့်တိုင် သူတို့၏ ခန္ဓာကိုယ်ကိုမူ လုံးလုံး မနစ်မြုပ်နိုင်ပါချေ။