" أسفل وادي الربع الخالي "

Part : 11

لا أبيح القراءة بدون لايك
؛
عبير كانت راقدة على سرير خشبي قديم، في غرفة هادية ومرتبة، والبخور يفوح منها.
فجأة، طلعت زيربا وقالت بصوت عالي: "يا إنسية، قومي!"
عبير رمت الغطا من فوقها وقامت تنقز على زيربا تحاول تمسكها، لكن زيربا كانت تختفي وتظهر بسرعة وهي تضحك على عبير وتقول: "ما راح تقدرين تمسكيني، انهبلتي؟"
عبير ردت بعصبية: "والله لأوريك، ما راح تطلعين منها."
زيربا ضحكت وقالت: "اللي يسمعك يقول إنك راح تسوين شي!"
عبير وقفت وكتفت يدها على صدرها وقالت: "بوريك وش نسوي."
ولفت ظهرها لزيربا، اللي استغربت لكن انصدمت من صوت عبير الجميل وهي تقرأ: "الله لا إله إلا هو الحي القيوم."
زيربا صرخت: "لا، بختفي، ما راح أطلع مرة ثانية لك!"
عبير قالت بهدوء: "ما أحتاجك."
زيربا طلعت قدامها وقالت: "المكان هذا صعب تطلعين منه، صدقيني."
عبير ابتسمت بثقة: "يا قوية، وش صار لك؟ مو أنتي اللي كنتي تضحكين قبل شوي؟"
زيربا ردت: "محد يمزح معك، طيب."
وفجأة، اختفت زيربا مع عبير في لمح البصر.
؛
في الخيمة ، كانوا البنات مشغولات ينظفون ويعدلون في الخيمة.
غادة وقفت شوي وناظرت في البنات وقالت بحيرة: "بنات، تتوقعون أمي تزوجت وإحنا هنا؟"
خلود ردت وهي ترتب الوسايد: "أربعة أيام وإحنا هنا، يمكن صدق تزوجت."
ريم قالت بهدوء: "إلى متى بنقعد يعني؟"
وفجأة سمعوا صوت: "لين تسمح لكم مرنان ترجعون."
غادة صرخت: "دهف! ما اتفقنا تتكلم وأنت مختفي؟"
الصوت ضحك وقال: "الجني دهف ما يسوي اتفاقات مع الإنس."
خلود قالت: "هذا مو صوت دهف، هذا صوت جديد."
ريم هزت رأسها وقالت بلطف: "ممكن تطلع؟" وطلع الجني بهيئة إنسان، قدامهم وهو يطير في الهواء وهمس: "خوفتكم؟"
غادة بدموع: "تعبت، خلاص، رجعوني البيت." الجني ضحك: "ما تقدرين ترجعين إلا إذا سمحت لك مرنان."
ريم سألت: "ومين ذي؟"
الجني: "ما بي أقول أسرارنا للإنس."
فجأه دهف دخل وهو يصرخ: "زياف! ما قلت لك ما تقرب من الخيمة ذي؟"
البنات ناظروا في دهف وهو معصب واستغربوا.
زياف قال: "كنت أسولف معهم."
زياف حط أرجيلته على الأرض بهدوء،
غادة ناظرت وشافت عيون زياف الزرقاء وهمست: "ما شاء الله، حلو."
زياف ناظرها وقال بنفس الهمس: "كأنكِ خاقة، ترا جن ها."
غادة حطت يدها على فمها من الخوف.
دهف اختفى، وريم وخلود وغادة ظلوا مع زياف يسولفون.
؛