لا أبيح القراءة بدون لايك
؛
أم مريم كانت جالسة بعيد شوي ما تسمع شي، بس من نظرات أم مشاري لريم، عرفت وش تنوي، وطالعت في بنتها مريم اللي كانت ترقص.
نوف قالت بإعجاب: "ما شاء الله يا ريم، ما فيه أحد يقدر يرقص مثل مريم إلا أنتي"
مريم ناظرت ريم وقالت بصراحة: "أي والله، ما توقعت تعرفين ترقصين، بس يبيلك تتعلمين شوي حركات"
ريم انصدمت: "أتعلم؟"
مريم ضحكت: "أيه، مافي شيء بدون تعليم" ريم تنهدت، تحس مريم من عالم ثاني، تتعلم كل شيء، ما تدري أن ريم حتى المدرسة أمها درستها بس عشان السمعة.
ريم قامت تاخذ لها حلا، ومريم تبعتها وهمست: "فستانك حلو، من وين؟"
ريم قالت: "من خالتي أم مشاري"
مريم ابتسمت: "عمتي أم مشاري عسل، وهذا الفستان بعد منها"
ريم حست بالغيرة، أم مشاري تعامل الكل بتساوي.
مريم قربت منها وقالت بدلع: "سوري حبيبتي ريم، بس أنا اللي بأخذ مشاري"
ورجعت تجلس جنب أمها، سلمى جلست وقالت: " ما شاء الله، الحريم كاشخات وش عنذكم"
أم فايز ردت: "ما شفتي شيء، لو أبوك ما تزوجني كان أنا أحلى منك"
سلمى: "يعني أبوي الشايب المسكين إيش سوا عشان يروح جمالك؟"
أم فايز ضحكت: "جابك أنتي"
وضحكوا، سلمى قربت من أمها وباستها، ومها كذلك.
أم مشاري قالت: "البنات نعمة من الله، وجودهم نور"
ومسكت يد سندس، نوف قالت بغيرة: "ترا ما أعرف ألمح، أغار"
ضحكوا عليها، ومريم لفت لأمها وقالت: "وأنا؟" أم مريم قالت: "أنتي عيوني"
مريم حضنتها وضحكوا، ريم كانت حاسة بالغربة، أمها مو ميتة بس مو موجودة، وما تحبها، ما تبغى تفكر بطريقة سيئة وتحسدهم، بس قلبها كان يعورها، انسحبت وأم مشاري ما حست فيها، لبست عبايتها وكانت بتلبس طرحتها بس حست بالاختناق من كل شيء، طلعت تركض في حوش المزرعة، مو عارفة وين تروح، بس تبغى تتنفس ولو شوي.
؛
بعد نص ساعة، حمد كان جالس يسولف على الجوال ويقول بضحكة: "إذا هي حلوة بوافق"
وضحك بقوة لما جاته الإجابة: "أبغى زيك حلوة ومربربة"
وبعد صمت طويل، همس بجدية: "خلاص، كلمي أمها وخطبيها و..."
بس انقطع لما انسحب الجوال من يده وسمع صوت يقول: "مين تبغى تخطب؟"
وقف حمد مصدوم لما شاف سارة، وهي كاشخة وحاطة مكياج.
عصب وقال: "مو قلت يدك ما تنمد؟"
سارة رمت الجوال على جدار المزرعة وانكسر. حمد عصب وقال: "خير أنتي ما تربيتي؟"
سارة والدموع بدأت تنزل: "مين ذي اللي بتخطبها وتبغى حلوة بعد؟"
حمد: "وش دخلك أنتي؟"
سارة: "راح أدعي لها، الله يرزقها بشخص يحس وعنده دم"
حمد وهو يتأملها: "طيب ادعي لها تسوي فينا خير"
سارة انفجرت بكاء وجلست على الأرض وهي تبكي بقوة والمكياج ينزل على وجهها وكل ما..
؛
أنت تقرأ
" أسفل وادي الربع الخالي "
Randomأربع فتيات يقررون السفر عبر الصحراء لأجل صديقتهم، لكنهن يجدن أنفسهن ضائعات في قلب صحراء الربع الخالي. خلال رحلتهن، يصادفن ماعزًا يبدو أن لديها مسارًا تسلكه، فيتبعنها علّها تقودهن إلى مكان آمن. تأخذهن الماعز إلى وادٍ مجهول حيث يكتشفن كهف مليئ بالرم...
