" أسفل وادي الربع الخالي "

Part : 69

لا أبيح القراءة بدون لايك
؛
ريم راحت عند أم مشاري في المطبخ، وهي مترددة، التفتت أم مشاري وقالت: "هلا حبيبتي، تبغين شيء؟"
ريم هزت رأسها بإيه وهمست: "أبغى الجوال عشان أكلم البنات، ودي أشوفهم."
أم مشاري مدت لها جوالها بسرعة وقالت: "خذيه، اتصلي باللي تبغين، ولا يهمك."
كانت ريم بتطلع من المطبخ بس أم مشاري سألتها: "وين بتشوفينهم؟"
ريم تفكر قالت: "أمم، يمكن في كافيه أو مطعم."
شهقت أم مشاري: "وشهو كافيه؟ لا، لا يا يمه، مشاري ما يحب الحريم الكافيهات."
ريم رفعت حواجبها وش دخله ذا، كملت أم مشاري: "اسمعي، كلمي صديقاتك يجون هنا، حياهم الله، مافي كافيه ولا غيره."
ريم همست: "بس..."
قاطعتها أم مشاري: "إذا تحسبيني راح أضايقكم، أصلاً أنا بروح اليوم عند أختي وانتي انبسطي معهم"
ريم ابتسمت، هالإنسانة لطيفة، مستحيل يكون ذاك مشاري ولدها، أم مشاري طالعت ملابسها وقالت: "وملابسك غيريهم من الدولاب اللي وريتك."
ريم بحياء: "لا، ما يحتاج يا خالتي."
أم مشاري: "أقول، اسمعي كلام الكبار"
أم مشاري رجعت تعمل قهوتها، وريم أخذت الجوال وقامت تدق على البنات.
؛
في مركز الشرطة، مشاري كان جالس مع طلال اللي توه طالع من المستشفى.
طلال كان مصدوم من القضية والتحقيقات، مشاري قال له: "هذا الحال يا أخوي".
طلال ما كان مستوعب موضوع الجن، فرد عليه مشاري: "بالبداية أيه، بس ترى أبو سليمان لقى الكهف وحصلوا طلاسم وأشياء غريبة". طلال مسك رأسه وقال: "والله، كنت أحسبها قضية تافهة، ما توقعت"
مشاري رد عليه: "الحمد لله على سلامة البنات، والباقي على الله"
طلال سأل عن الكهف وأم فهد، فأجاب مشاري: "الكهف الحمد لله انهدم والشيوخ فكوا السحر اللي فيه، وأم فهد للحين ما ظهرت، ما نقدر نحصلها"
طلال قال: "يمكن تكون جنية"
مشاري رفع كتوفه يعني ما يدري، وطلال ابتسم وقال: "تستاهل ترقية جديدة يا مجنون، كيف عرفت أن البنت في الخبر؟"
مشاري ما كان مبسوط، لانه ماعرف دهف الي دله، بس ابتسم بهدوء.
؛
بيت مشاري:
كانت ريم واقفة قدام الدولاب تتأمل الملابس وهي مستانسة، البنات ما عندهن مشكلة يجن عندها، دخلت أم مشاري وشافتها واقفة، فقالت أم مشاري بكل ذوق: "إذا كنتي محتارة، خليني أساعدكِ".
ريم ابتعدت شوي وأم مشاري بدت تدور بين الثياب تشوف أي قطعة تليق أكثر، وأخيرًا لقت فستان يجنن ويلبق لريم، فستان طويل بأكمام، يوصل للأرض، مزين بنقشة ورود بألوان الوردي والأخضر متناثرة على القماش بطريقة تفتح النفس.
؛

قراءة ممتعة🦋.