" أسفل وادي الربع الخالي "

Part : 20

لا أبيح القراءة بدون لايك
؛
بعد وقت طويل، ظهرت زيربا في الغرفة وكانت مصابة، طالعت المكان مرتب، ولكن ولا شيء في محله.
عصبت وتغيرت ملامح وجهها وارتفع صوتها: "ليه تلمسون أشياء مو لكم؟".
ريم رجعت بسرعه للخلف مع البنات وملامحهن تملكها الخوف.
زياف قال بهمس: "وجهك بيبان".
بعصبية، صرخت زيربا: "هداغ!"
وفجأة، ظهرت هداغ، أنثى ذات الشعر الطويل والملابس السوداء، وبهدوء قالت: "نعم؟".
زيربا أمرتها بصوت حاد: "خذيهم من قدامي قبل لا أشرب دمهم!".
؛
في لحظات بسيطة، اختفت البنات وظهرين قرب الخيمة.
ريم تلتفت للبنات وتقول بصوت الحيرة: "بنات، والله أحسهم جن، وش نسوي الحين؟" خلود ردت بهمس، تحاول تهدئة الوضع: "اشش، وطي صوتك شوي."
عبير، وهي معصبة: "الحين بانت على حقيقتهم الخايسة."
خلود تناظر عبير بنظرات تحذير: "يا ريت تسكتين الحين."
البنات طالعوا ببعض وغاده تردد اسم الجنية اللي ظهرت: "هداغ، هداغ، يعني غاده."
وفجأة صرخت: "لا، هذا قريني!"
خلود ردت بهدوء: "بس شكلها مختلف، ما أظن هذي قرينك."
غاده تحاول تهدئة نفسها: "إيه، ما فيها شبه مني أبداً."
زياف، اللي كان يراقبهم من بعيد وهو مختفي، همس: "هي متنكرة بس."
غاده قفزت من الخوف: "حسبي الله عليك، خوفتني!"
عبير ردت: "يلا انت، أظهر ولا تكلمنا وأنت مختفي، شوي ونصير مجانين."
خلود همست للبنات: "خلاص، طنشوه."
ريم تنهدت بهدوء وقالت: "ليه عصبت زيربا؟ حنا سوينا أشياء واجد هنا، وش معنى هالغرفة؟"
عبير ردت: "حتى أنها خلتني هناك قبل ما سوت شي."
زياف رد بهدوء: "أنا ما أعرف أمسك لساني، بس والله ما أقدر أقول سر زيربا."
عبير تكشر: "من متى وأنت كذا؟"
غاده بهمس: "ويحلف بعد!"
صوت هداغ همس في الهواء: "أكره أعطي نصيحة، بس هالمرة بقول لكم، حاولوا تطلعون من هنا بأسرع وقت، مو من صالحكم تقعدون أكثر."
الهدوء عم المكان، والبنات عرفوا إن الجنية غادرت.
ريم وهي تلف حولها وتناظر الخيم والهدوء الي في المكان، قالت: "أتوقع فعلاً في شي صار، المكان هادى أكثر من اللازم."
خلود أكدت: "صادقة."
ومشوا بخطوات سريعة نحو الخيمة.
؛