" أسفل وادي الربع الخالي "

Part :59

لا أبيح القراءة بدون لايك
؛
بعد أسبوعٍ، في الشرقية وتحديدًا، منزل أبو خلود:
خلود كانت منسدحة شوي وتقرأ كتابها، لابسة نظارة سوداء كبيرة، فجأة شافت يد تلوح لها، نظرت وكانت سارة وحاطة يديها على خصرها، وهي تقول: "ترى بعد بكرا الاختبارات، بتقعدين منسدحة كذا لمتى؟"
خلود بهمس: "كأنك زيارتك كثرت."
سارة حطت اللي جابته معها على الطاولة: "الشرهة عليّ اللي جيت أشوفكِ، المهم ذي ملازم وكمان تلخيص تستفيدي منهم."
خلود ناظرت سارة وقالت: "فيه تغير، شسبب؟"
سارة: "أقول قوم ذاكري وما عليك من تغيرات الطقس عندي."
وطلعت من عند خلود، خلود قامت وهي تمشي ببطء، ابتسمت لما شافت النظارة، دخلت الحمام "يكرم القارئ" عشان تتوضأ.
؛
عند سارة قبل لتطلع من البيت راحت لباب المقلط اللي من جوا البيت، شافته منسدح رأسه على المدكا، ويشوف مباراة، تنهدت بقوة: "شلون تفكر فيه بجنون وهو مو من أرضهم حتى، بس روحها اندمجت معه." شهقت بكتمة لما حست بيد على كتفها، لفت وشافت رغد أخت خلود.
سارة: "إيش فيك خرشتيني."
رغد بابتسامة: "أنتي ليه خفتي، وبعدين ليه واقفة هنا؟"
سارة سكتت وهي مرتبكة، رغد ابتسمت لما شافت الشخص اللي تناظره سارة وقالت: "ذا حمد ولد خالتي من اليمن، تعرفينه صح؟"
سارة هزت رأسها: "إيه."
رغد: "حاطة عينك عليه؟"
سارة بارتباك: "نعم، ذا لا خير، شكله غريب."
رغد: "حدك ترى أخوي."
سارة بصدمة: "أخوك كيف؟"
رغد: "خالتي أمه يعني رضعتني وصرت أخته."
سارة: "وخلود بعد أخته؟"
رغد: "لا بس أنا، بس هي تعتبره أخوها."
سارة هزت رأسها وقالت: "باي."
رغد: "وصلي سلامي للوالدة."
سارة أشرت لها بتمام وطلعت من البيت بدون ما تحط طرحتها على راسها، تفكر بحمد، من بين كل الناس اخترت ذا، وش فيه زود؟ بالعكس ناقص.
؛
عند رعد اللي دخلت المقلط وهي لابسة طرحتها، قالت: "ناديتني حمد؟"
وهو يطالع باب الحوش اللي ينشاف من باب المقلط وهو يقول: "في وحدة طلعت بدون طرحة قبل شوي."
رغد بعصبية: "وأنت ليش حاط عينك على الباب؟"
حمد: "بس لفيت وشفتها، من ذي محد ربّاها."
رغد: "عيب هالكلام، ادع لها بالهداية."
حمد: "الله يهديها."
لف على رغد: "تبون تطلعوا؟"
رغد ابتسمت: "بسأل خلود إذا تبي، وشكرًا يا أطلق أخ بالدنيا."
ابتسم حمد وعاد لتركيزه على المباراة، ورغد صعدت لأختها، هو أخوهم اللي ما ولدته أمهم، أبو خلود كبير في السن وأيضًا أم خلود اللي صارت عقيم، وجود حمد إلى جابهم كان جميل فقد كان سند الأخ.
؛