" أسفل وادي الربع الخالي "

Part : 51

لا أبيح القراءة بدون لايك
؛
ريم هزت رأسها بالنفي وهي تقول: "أعوذ بالله من الشيطان الرجيم، بسم الله الرحمن الرحيم."
الحرمة مسكتها من رقبتها وقالت بعصبية: "قلت لك أنا مو شيطانة، أنا زيك بس أقوى، كل الجن اللي هنا خدام تحت رجولي، محد يقدر يرفض لي كلمة.."
وقربت من ريم وهمس بخبث: "حتى دهف."
ريم تناظرها ودموعها تنزل، والحرمة كملت: "تحسبين أنك تقدرين تلعبين على دهف، ما راح أسمح لك تاخذين مثل فهد."
ريم قالت: "أنا ما أخذت أحد."
الحرمة: "صح، أمك وأبوك الغلطانين، بس أنتِ بنتهم، لازم تتحملين جزء من العقاب." طالعت الحرمة خلف ريم وقالت: "خذها."
ريم انصدمت لما شافت أيادي زي طويلة وعندها مخالب تمسكها، ومن لمستها فقدت الوعي.
؛
عبير كانت تركض مع البنات وشافوا الحطب، بس ريم ما كانت موجودة وانصدموا.
عبير: "وينها؟"
خلود: "خلونا نكلم دهف يمكن تكون معه."
غادة بقلق: "بس محد دهف."
عبير بعصبية: "هالمرة من جد راح أضربه."
رجعوا البنات الخيمة وصادفوا زياف جالس وياكل،البنات انصدموا إنه جالس يأكل بهدوء.
غادة: "وقت أكل الحين؟"
زياف وهو ياكل: "في توقيت الأكل."
عبير: "سريع، روح ناد زيربا."
طالعها زياف من فوق لتحت وكمل أكل.
خلود: "ريم اختفت"
زياف بهدوء: "أخذتها مرنان"
البنات استغربوا مين ذي، بس صرخت غادة: "الساحرة اللي تكلم عنها قبل"
زياف: "إيه"
خلود: "وش البرود اللي فيك؟ قول لنا وين اخذتها"
زياف: "مرنان خط أحمر، قلت لكم. صاحبتكم أكيد معها، بس ما أتوقع هنا، بتكون بعالمكم"
عبير جلست وسط الرمل من التعب، وما هي عارفة كيف تفكر.
؛
مشاري يقلب الأوراق ومعلومات فهد غير واضحة لهم.
فايز: "الإنسان غريب، لا جوال معه، ولا رقم، وحتى بصمة له ما في."
مشاري: "حصلتوا سيارته؟"
فايز:" زي ما أمرتنا، حصلناها ببيتهم. الكاميرات التقطت السيارة وهي خارجة من الشرقية، بس وهي داخلة ما في أي أثر لها."
مشاري استغرب كل هذه الأشياء الغريبة وسأل: "طيب أم فهد، تحصيتوها؟"
فايز: "إيه، مراقبين بيتها، ما في شيء. تخرج للبقالة وترجع، وواضح إنها كبيرة بالسن، بس عندها بيوت كثيرة."
مشاري: "يعني عندها عقار؟"
هز فايز رأسه بإيه.
سكر مشاري الملفات وقال: "ركزوا على فهد لأنه حالياً المشتبه الوحيد، إذا مسكناه يمكن نعرف شيء."
فايز هز رأسه وطلع.
؛