" أسفل وادي الربع الخالي "

Part : 45

لا أبيح القراءة بدون لايك
؛
صحوا البنات وشافوا ريم نايمة وخلوها بحالها، وطلعوا من الخيمة.
جات زيربا عندهم وقالت: "غادة، روحي مع زياف تجيبوا موية."
غادة ردت: "لا، مابي أروح معاه."
زيربا قالت بحزم: "ما عندنا وقت للدلع، يلا قومي."
وتلتفت لعبير: "وانتي، خليكي هنا."
عبير قاطعتها: "أبي أروح معاك."
زيربا تنهدت: "طيب، تعالي بس بشرط ما تسوين أي صوت."
عبير هزت رأسها بموافقة،وزيربا تكمل: "خلود، انتي شوفي الحطب كم باقي لنا."
خلود رمقتها بنظرة: "حياة الجن القروين، والله عنوان يجنن لقصة."
غادة تضحك: "أي والله، وش ذا الخيال." زيربا بعصبية: "يلا بسرعة، انتي وياها."
خلود وغادة يركضون، وعبير واقفة جنبها تهمس: "عادي توديني بيت عمي؟"
زيربا: "لا."
عبير تتوسل: "تكفين..."
زيربا وهي تمشي: "قلت لا يعني لا."
عبير تستمر تترجاها: "تكفين، خذيني عندهم." زيربا توقف وتقول: "ما أقدر، عندي شغل." عبير بحزن: "الله يسلمك، خليني أشوفهم." زيربا تلتفت لها: "الله يسلمك؟!"
عبير بنبرة حزينة: "يا بنت الحلال، أنا يتيمة ما عندي أحد غير عمي وعيالي، أبي أشوفهم، يمكن أموت وما أشوفهم، تخيلي."
زيربا تنهدت ومسكت معصم عبير، وعبير ابتسمت بانتصار.
؛
ظهرت عبير في غرفتها وشافت بنت عمها تطلع ملابسها وتلبسهم عبير كان ودها تضربها، بس قررت تسحب وتطلع من الغرفة، نزلت تركض على الدرج وشافت فارس جالس مع أمه، وانبسطت لأنها جات بوقت مناسب.
مرت عمتها كانت تسوي الكعك وتقول لفارس: "لا تعور رأسي"
فارس همس لأمه: "يمه، طالبك، أبيها وأنتي تعرفين إني أبيها من زمان"
أم فارس بعصبية: "تبيها؟"
فارس بابتسامة: "إيه"
أم فارس: "اقتلني، واعرس عليها"
فارس مسح وجهه وقال: "يمه، وش هالكلام؟ يمه، تكفين لا تحطيني بين نارين، أنا أحبها يمه"
أم فارس طالعته وقالت: "حب مراهقة يا فارس"
فارس رد: "عمري خمس وعشرين سنة، مو بزر"
أم فارس: "إذا نويت تتزوج، مالك إلا بنت خالك حسن، بنت الدلال والزين"
عبير اللي كانت جالسة بينهم، طالعتها بعصبية وودها تمسك الصحن وتضربه على رأسها. فارس هز رأسه وقال: "في الحب، قلبي لا يعرف سواها...
في الأرض أو في الجنان، هي منية فؤادي..
لا حور عين أرغب، ولا جمال يُغريني...
فقط هي، نبض الروح والملاذ".
أمه طالعته وصرخت: "انقلع من قدامي
...."
؛