" أسفل وادي الربع الخالي "

Part : 12

لا أبيح القراءة بدون لايك
؛
طاحت عبير على الأرض وصاحت: "يا ويلي، طيحتيني!".
ردت زيربا وهي تزم شفايفها: "والله ما عاد أعرف وش أسوي معك، كان المفروض اخليك تمشين على رجولك."
قامت عبير، نفضت غبار ثوبها بهدوء، ولما لمحت لبسها ابتسمت وقالت: "والله إن ملابس الجنوب غير، تسلم يدين اللي خاطها." كانت لابسة ثوب أسود فيه خيط ذهبي يلمع على الجنب، ومنديل أصفر مربوط على راسها. دارت حول نفسها وهي تضحك وتقول: "يا حليلي، من زمان ودي أجربه، شكله علي يهبل!"
ناظرتها زيربا وقالت: "بس لا تتوسخين فيه." سألت عبير: "سرقتيه؟"
ردت زيربا وهي تبتسم: "قلنا معار، مو مسروق افهمي."
وفجأة، غابت عن الأنظار واختفت، مشت عبير بفخر بزيها الجنوبي، ولما شافت البنات جايات، ركضت لعندهن تبي توريهن الملابس.
؛
عبير ركضت للبنات، وأول ما شافوها جروا لها بسرعة وحضنوها.
وغادة، وهي تبكي، قالت لها: "تف عليك، وينك عنا؟"
عبير ردت عليها بهدوء: "ما أدري وين ودتني زيربا."
خلود، وهي مهتمة، قالت: "المهم إنك بخير الحين."
ريم ناظرت عبير وقالت: "من متى وأنتِ متضامنة مع الجنوب؟"
عبير ضحكت وقالت: "ما أدري، رغم إني شمالية، بس مرة حبيت اللبسة الكشخة."
خلود سألتها: "مين اللي جابها لك؟"
عبير ردت بهدوء: "زيربا."
فجأة ظهر زياف قدام عبير وقال: "لو تعرف مرنان، كان بتعذبها.".
عبير ناظرته بدهشة وقالت: "يمه مين انت ومين مرنان؟"
خلود رفعت كتوفها وقالت: "اللي عرفنا منه إنها ساحرة قوية وعندها من الجن خدم."
عبير انصدمت، وريم كملت: "تخيل إنه قرين."
عبير ناظرت فيه وملامحه تشبه الأجنبيين، وغادة همست: "اقلبي اسمه زياف."
عبير قالت بهدوء: "زياف... ف ا ي ز." وبصدمة صرخت: "فايز!"
البنات هزوا رؤوسهم بهدوء، وريم قالت بصوت غريب: "حتى دهف طلع قرين."
زياف قال: "وليه أنتي بائسه؟ ترا القرين من جن كمان وهو اللي يوسوس للإنس."
عبير شهقت وقالت بغضب: "أنت اللي تدفعنا للشر وتوسوس يا خبيث."
زياف رد بسرعه: " لا، أنا أدفع صاحبي فقط." وأشار لخلف كل وحدة: "كل وحدة منكم عندها قرين."
البنات ناظروا لخلفهم وما شافوا شيء، رجعوا ناظروا في زياف اللي قال: "تبون أقولهم يظهروا؟"
البنات صرخوا بصوت واحد: "لا!"
وتأثروا.
زياف ناظرهن وقال: "ترا هم معكم الحين..." فجأة انضرب برأسه وصرخ: "آي!"
طلع صوت أنثى معصبة: "فشلتنا."
؛