" أسفل وادي الربع الخالي "

Part : 95

لا أبيح القراءة بدون لايك
؛
في بيت أبو خلود، في المجلس الكبير،
أم خلود تناظر بنتها خلود وهي متكشخة بفستانها الأصفر الزاهي وشعرها منسدل بنعومة، وتقول لها بحنية: "يا خلود، كل شيء تمام؟"
خلود ترد بثقة وابتسامة: "يمه، لا تشيلين هم، كل شيء جاهز ومضبوط."
أم خلود ما زال قلبها مشغول: "الله يستر، مدري ليش قلبي مو مطمئن."
خلود تقرب من أمها، تبوس راسها وتطمنها: "يا قلبي أنتي، مافيه داعي للقلق، إن شاء الله كل شيء بيكون عال العال."
وفجأة، يدق الباب.
أم خلود تقوم بسرعة وتقول: "جوا."
خلود تفتح الباب وتلاقي صديقات أختها رغد واقفين، يسلمون ويدخلون.
وحدة منهم تسأل: "رغودة وينها؟"
خلود تأشر لفوق: "فوق بغرفتها."
البنات يسلمون على أم خلود ويطلعون عند رغد، وشوي شوي جوا الحريم والبيت يمتلي بالوناسة والضحكات وشغلت خلود للحريم أغاني عشان يرقصون.
؛
دقايق وعبير وغاده دخلوا البيت، خلود استقبلتهم: "وين ريم؟"
عبير ردت: "أم مشاري بتجيبها."
خلود: "طيب."
غاده لما شافت الحريم انصدمت: "يمه، كثير حريم هنا!"
خلود بهمس: "أمي ما صدقت، دعت الكل، ما توقعت! بس حلو الوضع."
عبير وهي تطالع في زينة البيت: "إنتي سويتي كل هذا لوحدك؟"
خلود: "لا، يا بنت الحلال، أمي جابت حريم يساعدون، ويقدمون القهوة كمان."
غاده وهي تفسخ عبايتها: "ما شاء الله، تبارك الرحمن، زين."
كانت لابسة فستان أسود طويل مزين بخرز يلمع، وشعرها منسدل، عبير كانت لابسة فستان أخضر زيتوني ناعم، وشعرها مرتب.
عبير علقت عبايتها وقالت: "لحظه وين احط ذا"
خلود: "وش ذا أصلا"
عبير : "فستان جبته عشان ريمي"
خلود: "يعمري كان طلبتني، طيب مو مشكله بوديه غرفتي لين تجي"
غادة وعبير دخلوا سلموا على الحريم وكل الحريم يتأملوهن، جلسوا شوي بعد عن الحريم عشان يسولفون براحتهم، والحريم كانوا يرقصون ويغنون.
؛
بيت مشاري:
ريم مسحت شعرها ولبست عبايتها وجلست في الصالة بعد ما حطت شوية مكياج، أم مشاري كانت لابسة عبايتها جاهزة تطلع، شافت ريم قربت منها وقالت: "عيونك مسحوبة وكبيرة، الكحل يجنن عليك".
ريم ابتسمت وقالت: "شكرًا، بس أنا ما أحط كحل".
أم مشاري طلعت الكحل من شنطتها وقالت: "إنتو يا بنات اليوم ما تعرفون فايدة الكحل".
وجلست جنب ريم وكملت: "هذا أحسن من الآيلاينر اللي تحطونه".
وحطت لها الكحل وصار شكل ريم أحلى بكثير، ريم ابتسمت بفرح وضمت أم مشاري، وبعدها طلعوا من البيت.
؛