Part : 100‪

55 4 3
                                    


لا أبيح القراءة بدون لايك
؛
بعد يومين كان آخر يوم اختبار يوم الأحد، والبنات كانوا في قمة السعادة، كل وحدة تلون وتضحك وتستانس، واللي جايين يصورون ويوثقون اللحظات.
غادة جابت معها ألوان الرسم ولوحة كبيرة عشان الكل يطبع إيده.
ريم بحماس: "أبغى اللون السماوي!"
عبير وهي مبسوطة: "وأنا أبغى الأحمر."
غادة توزع الألوان: "وأنا بأخذ الأصفر، يلا"
وكل وحدة تحط اللون على إيدها، فجأة دلال دخلت وسطهم وأخذت لون وقالت: "خلاص تخرجنا وفرحنا، يحرم عليكم ما تخرجتوا" عبير ودها تضربها بس قالت: "وين قالوا ما تخرجنا؟ سوي لنا حفلة خاصة أحسن من حفلة المدرسة."
دلال استفزت عبير وقالت: "مهما كانت حفلتكم حلوه، ما راح يحلى التخرج إلا بالمعلمات."
عبير عصبت وريم حطت يدها على وجهها وهمست لغادة: "واضح إن اليوم ما راح يمر على خير."
غادة سألت: "وين خلود؟"
وريم رفعت كفوفها بعلامة الجهل: "مدري."
؛
خلود كانت في الحمام تتأبط، ما تبغى تلوث نفسها بالألوان، فجأة دخلت ساره وشافتها واقفة.
ساره بتنهيدة: "خلود، لازم نتكلم."
خلود ردت بهدوء: "ما بيننا كلام."
وطلعت من الحمام ونزلت الساحة، ساره تمشي وراها تحاول تفهمها اللي صار: "تراك فهمتي الموضوع غلط، مو زي اللي في بالك، صدقيني."
خلود وقفت في الساحة، التفتت لساره بعصبية وصوت عالي: "أنا شفتكم بعيوني، لو ما شفتكم وش كنتي بتقولين؟"
ساره ناظرت البنات اللي لفوا حولهم وقالت: "خلود، وش فيك؟ ترا النوايا مو زي ما تشوفين، والله إنك فاهمة غلط."
خلود تخصرت: "فاهمة غلط؟ اللي شفته درس، ما أحتاج توضيح، كنتم شوي وتدخلون في بعض، يعني تصادمتوا بالغلط، تلاقيتوا ما يهمني."
وقربت من ساره وهمست: "الحضن اللي كنتي فيه، ما تدرين وش كثر تمنيته."
ساره ردت: "ترا ما أحبه، أنتي بس لو تسمعين كان فهمتي اللي صار، مو..." خلود قاطعتها: "وش اللي ما تحبينه؟ أنتي باقي شوي وتاكلينه بعيونك، اللي ما يملاها شيء."
تجمعن البنات حولهم عبير وريم وغادة اللي قفزن لوسط.
خلود رفعت طرحتها فوق راسها وهي تقول بكل ثقة: "والله عادي، أنا مثل ما قلت لك، خلاص تجاوزت حمد واللي تبغاه تاخذه، حدك البقايا اصلا."
ومشت خلود بعزة نفس من المدرسة، والبنات واقفات مصدومات، مو فاهمات السالفة، بس يدرون إن فيه شيء صاير مع واحد اسمه حمد. دلال، اللي دايم تحب تزيد الطين بلة، قالت لسارة: "حمد وش سوى؟ وانتي بعد، تاخذين الباقي؟ والله ما فهمنا، يلا علمينا."
سارة طلعت تركض ورا خلود برا المدرسة، والبنات يطالعون والسيارات مليانة الشارع وزحمة، لمحتها ووووو
؛
إنتهى🌷.

" أسفل وادي الربع الخالي " حيث تعيش القصص. اكتشف الآن