لا أبيح القراءة بدون لايك
؛
ريم كانت تمشي وهي تحاول تتمسك بأمل في الحياة، تكلمت نفسها: "برجع أطلع أبوي من المستشفى وبخلي مشاري يبيع بيتنا ونعيش في بيت جديد، إيه وأدرس في الجامعة".
وقفت بخوف وتوتر لما شافت دهف قدامها، كان شكله غريب وحست إنه مو هو، غمضت عيونها، ثواني ولما فتحتها، لسه موجود.
دهف همس بصوت غريب: "تركتيني يا ريم، مرة ثانية يا ريم تركتيني".
ريم حطت يديها على أذانها وغمضت عيونها من صوته المرتفع، وهي تقول: "لا، ما تركتك، أمك أمك السبب".
دهف بصوت صدى: "ريم، أكره عيونك، ريم عيونك الي فيها مشاري، ريم أكرهك".
الصوت تغير وصار صوت غضب: "ريم، أنتي السبب، أنتي دمرتي بيتنا".
ريم رفعت راسها وشافت نيمساي تناظر لها بكره وحقد، خافت لما شافت قرون براسها، وتبي تهرب، رجعت ورا وبالغلط طاحت وصرخت بقوة، وفجأة نيمساي صارت غبار أسود يطير ودخل في فم ريم.
مشاري ركض بسرعة لما شاف ريم طايحة وشالها بحضنه مستغرب ليش تصارخ وهو ما شاف شيء، كان يحسبه كلب أو سارق، مافي أحد حولهم.
جسمها بدأ ينتفض بين ذراعيه، يحاول يهديها مو قادر، تضرب وترفس في الأرض وعيونها ما صارت بيضاء واختفى لونها العسلي.
فجأة طلعت سارة من جنبهم مستغربة، مشاري انصدم منها ومن شكلها وانصدم أكثر لما شاف حمد وراها.
ما هو عارف إيش يسوي، ولا كيف يفكر، عارف إنه مو وقت يشك فيهم ولا وقت يسألهم إيش يسووا هنا وإيش الشكل اللي طالعين به. رمى لحمد مفتاح السيارة وقال: "بسرعة قرب السيارة لهنا".
حمد لما شاف شكل ريم وكيف واضح التعب فيها، شال المفاتيح بسرعة وركض.
مشاري بدون ما يطالع في سارة قال: "روحي نادي أمي، أم مشاري، بدون ما حد يعرف".
سارة هزت راسها وراحت.
مشاري يمسح وجه ريم، لأنها بدأت تعرق،
وقال وهو حاط راسه براسها: "ريم، تكفين اصبري".
همس والدموع بلا وعي منه نزلت :"بسم الله الذي لا يضر مع اسمه شيء في الأرض ولا في السماء".
باسها بجبينها :"يا ريم، طالبك تحملي شوي".
فسخ الكعب منها وشالها وعلى قد ما يقدر يحاول يغطي وجهها وشعرها.
وصل للسيارة، ركبها ورا، وحمد نزل يساعد. مشاري قال: "اسمع، لا أحد يعرف، أوك؟".
حمد هز راسه بسرعة، مشاري عطاه نظرة، وقال: "إذا نرجع بالسلامة معاي كلام معك يا أبو كريم".
حمد فهم عليه وهمس له بهدوء: "طيب". شوي وجاءت أم مشاري، ركبت ورا جنب ريم، وكانت تحتضنها، وبسرعة غادروا المزرعة.
؛
إنتهى🌷.
أنت تقرأ
" أسفل وادي الربع الخالي "
De Todoأربع فتيات يقررون السفر عبر الصحراء لأجل صديقتهم، لكنهن يجدن أنفسهن ضائعات في قلب صحراء الربع الخالي. خلال رحلتهن، يصادفن ماعزًا يبدو أن لديها مسارًا تسلكه، فيتبعنها علّها تقودهن إلى مكان آمن. تأخذهن الماعز إلى وادٍ مجهول حيث يكتشفن كهف مليئ بالرم...
