لا أبيح القراءة بدون لايك
؛
اليوم الثاني:
الصباح الساعة كانت تسع في بيت أبو خالد، أم خالد كانت مجهزة كل شيء عشان العقد بيكون بعد العصر، والكوافيرة كانت موجودة عند رغد.
رغد قالت: "أهم شيء شعري، وجهي أنا بسويه."
أم خالد: "لا، خليها هي تعرف."
رغد: "طيب، شيء خفيف."
أم خالد: "رغد، لا تسولفين."
وقالت للكوافيرة: "سوي لها شيء حلو وبارز."
رغد تنهدت، هي يالله تحب الميك أب.
في غرفة خلود، كانت تكلم بالجوال مكالمة جماعية وهي تقول باستغراب: "لحظة، شلون خطبها وبيعقد عليها بيوم؟"
عبير: "أصلاً ما فهمت منها شيء، قاعدة تبكي وتقول ما تبي."
غادة بهمس: "شكل مشاري شرير."
خلود: "غبية ريم، كان رفضت، وش فيه زين؟"
عبير: "تذكرون يوم المزرعة، أخذها مع أمه، صراحة ما يطمن."
خلود: "إيه والله، عليه ملاحظات."
البنات ما كانوا عارفين اللي صار معها بالمزرعة.
عبير تنهدت: "الزبدة، مين بتروح عندها؟"
خلود: "أنا يمكن ما أقدر لأن اليوم كتب كتاب أختي."
غادة: "وأنا كمان، أمي بتجي من مكة ويمكن ياخذون معهم الديرة."
عبير بعصبية: "يا ليل، خلاص أنا بروح لها، وأكفخ مشاري."
وسكرت المكالمة، خلود كانت تبي تصارحنا عن عبود بس قررت تأجل، مسكت جوالها وشافت آخر ظهور له الساعة 1 ليلًا، خايفة إذا صار معه شيء وترددت تكلمه بالرقم الثاني.
؛
عند ريم:
كانت جالسة وهي محتارة، تفكر تكلم مشاري تأجل ولا تقبل، ما تبغى تكثر عليهم الطلبات، وهي ممتنة كثير، سمعت صوته وصوت أم مشاري، وطالعت وشافتهم مستعجلين، خافت ليكون صار شيء.
راحت عند أم مشاري وقالت: "وش فيه؟"
أم مشاري بقلق: "ولد أختي ياسر بالمستشفى."
ريم حضنتها وهي تقول: "إن شاء الله يكون بخير."
مشاري طلع من المطبخ وبيده كأس ماء وقال: "ما فيه إلا العافية، الحين بوديك تشوفيه."
أم مشاري بعصبية: "أنا آخر من يعلم، يلا ودني، لا بارك الله في العدو."
مشاري هز رأسه، وامه مشت وطلعت برا، هو وقف وطالع ريم المرتبكة وقال: "خذي راحتك بالبيت."
كان بيطلع، بس ريم وقفته وقالت: "والشيخ؟"
مشاري: "يوم ثاني."
ريم تنهدت براحة، وهو كان بيطلع بس رجع وقال: "ما سمعتها منك."
ريم باستغراب: "وشو؟"
مشاري: "لما اثنين ينخطبوا وش تقولين؟"
ريم بهدوء: "الله يتمم لهم على خير."
مشاري: "واحنا ما تبي يتمم لنا؟"
ريم ارتبكت وعيونها تنظر كل شيء إلا عيونه، همست بعد ما شافت واقف ماتحرك مسنتي تقولها، وقالت بتوتر: "الله يتمم لنا على خير."
مشاري بابتسامة: "آمين."
وطلع وهو يلف ويبتسم لها، ريم قعدت على الأريكة وهي مستحية ووجهها صار أحمر.
؛
إنتهى🌷.
أنت تقرأ
" أسفل وادي الربع الخالي "
Randomأربع فتيات يقررون السفر عبر الصحراء لأجل صديقتهم، لكنهن يجدن أنفسهن ضائعات في قلب صحراء الربع الخالي. خلال رحلتهن، يصادفن ماعزًا يبدو أن لديها مسارًا تسلكه، فيتبعنها علّها تقودهن إلى مكان آمن. تأخذهن الماعز إلى وادٍ مجهول حيث يكتشفن كهف مليئ بالرم...
