الفـصـــل الثـاني:ما خــلف الأقــعنة🫦🪔
____________
𝑩𝒚 𝑺𝒂 𝒓𝒊 𝒕𝒂
🚬 𝑩 𝒂 𝒓 𝒕 206
فضيلة:خرجناك من الدار بعزك...بكرامتك و قيمتك مرفوعة...داك راجل و سيد الرجال..لي جا دق باب داركم للحلال ما دخلش من الشرجم...قصدك للحلال ماشي شد مك غتاصبك و لاحك و مشا...[مسحات دموعها بكف يديها]ما عرفتش فين كان دماغك فين يا المكلخة...
ساريتا:[علات من صوت بكاها بطريقة هيستيرية كايطلع صدرها و ينزل...وجهها ولا حمر و فازك بالدموع..معنقاها غا حسناء تسكت فيها ...خوفانة على حالتها]
سميحة:الله يهديك أ فضيلة...حني عليها..البنت غاتموت بالبكا شوفي حالتها كي دايرة...ربي كا يسامح شكون حنا لي ما نسامحوش...
فضيلة:و علاه أنا نقدر نقسا عليها....[حطات يديها على خدود ساريتا]هادي كبيدتي لي ما نسخا بيها...هادي هي النوارة تاع الدار...[جراتها لحضنها معنقاها و ساريتا تشبتات فيه كثر مزيرة عليها]واخا تعياي تغلطي غاتعلمي من غلطك و غاتلقايني ديما حداك أ بنتي...[كاتبوس فكتفها و تعاود تعنقها تشم ريحتها الموحشاها]توحشتك أ بنتي...حبيبة ماماها...توحشتك تحريمياتك و كولشي فيك...
ساريتا:ماما...ماما سمحي ليا أنا مزاوݣة فيك...سمحو ليا راني صغيرة و بلا عقل...سمحو ليا ما كنت ناوية يوقع لينا هاكة و نعذبكم معايا...سمحو ليا هالعار أ ميمتي هالعار....
فضيلة:[كاطبطب على ظهرها بلطف]حنا مسامحينك أ بنتي مسامحينك...الحمد لله لي تعلمتي من غلطك و درتي عقلك...الحمد لله...
بقاو معانقين شحال و سميحة واقفة عليهم مبتاسمة...مسحات دمعة متأثرة من شوفتهم بهاد الحال...
سميحة:تقولي غا منار و مها سيرين قدامي...ملي دبا كولشي تقاد...زيدو نتعشاو...العشا غايكون برد...[نوضات فضيلة جاراها]يالاه يالاه أ صحايبتي...ربي لي عالم شحال موحشاك...
تعانقو و مشاو ݣلسو دايرين على الطبلة...حسناء تاجهات الكوزينة تسخن العشا و بقات ساريتا واقفة مبتاسمة بفرح...فرحتها ما غاتوصفش و ما ليها حدود...
تقدر تقول بلي عمرها فرحات بحال هاد الفرحة من هروبها ...و هادا بفضل شخص واحد و هو راجلها...
عضات على شفايفها و قبلات يدها لي فيها خاتم الزواج بايساه بكل حب و تملك...
ساريتا:يوم من ورى يوم كانزيد نتأكد بلي اختياري نبقا معاك واخا يوقع لي يوقع ...واخا تعرف لي مخبية عليك ما كانش غلط...
مشات لعند ماماها حضناتها من جديد كاتوزع قبلاتها بين يديها و خدودها...غاتاكلها من حر شوقها ليها...
تعشاو فجو لا يخلو من الضحك و الجماعة الزينة لي فكل عائلة مغربية كاتوجد...ما خلاو ما حطو ليها و شحال كبرو بيها...و عرفات بلي اختيارها لدراغون تكون زوجة لبزناز بحال دراغون ما كانش غلط ليها...
سالاو الماكلة و طلعات ماماها لبيت الضياف مقررة تبات معاها هاد الليلة...بطلب ماماها لي بغات تعرف اشنو وقع لبنتها فهاد خمس سنين...
في صباح اليـــــــوم التــــالي
ساريـــــــتا
مع الساعة الثامنة د الصباح...كانت سدات الباب بشوية ما باغاش تفيق ماماها دبا...و تخليها مرتاحة...نزلات للتحت للكوزينة توجد الفطور على حقو و طريقو...بكل فرحة و نشاط بعد شوفة ماماها...
سمعات رنة تيليفونها كايصوني فحمالات صدرها...خرجاتو و قرنات حواجبها باستغراب كاتشوف فاتي مصونية ليها بكري...و أكيد ما غاتكون مصونية ليها الى ما كانت شي حاجة...
ساريتا:ألو فاتي...لاباس عليك؟...
فاتي:[ببحة بكاء]شوية أختي شوية...
ساريتا:[بقلق]أشنو كاين أ صاحبتي...ما تخلعينيش و قولي ليا...نتي بخير؟..واقعة لجدة و لا خويا شي حاجة؟...
فاتي:لا كلهم بخير...و لكن ...و لكن..كريم ..
أنت تقرأ
قصة زواج متقـــف الفصــــل الثاني(التتمة)
Romanceنهار طاحت عين البزناز عليها بغاها و بالزواج تملكها بلا رغبة منها،أشنو أش غايوقع نهار طيح عينو عليها و ينويها الزواج بلا رغبة منها...نهار تهرب ليلة عرسهم و تحط بوجهو للأرض قدام الناس؟....
